Íslandsmeistarar Breiðabliks fengu dönsku meistarana í Fortuna Hjørring í heimsókn í kuldann á Kópavogsvöll í kvöld. Þar fór fram fyrri leikur liðanna í 16 liða úrslitum Evrópubikarkeppninnar, nýrrar Evrópukeppni í kvennaflokki. Markalaust var eftir fjörugan fyrri hálfleik þar sem bæði lið sköpuðu sér fín marktækifæri. Það var hins vegar aðeins ein mínúta liðin af seinni hálfleik þegar danska liðið komst yfir með marki Joy Ogochukwu. Færin urðu fleiri á báðum liðum en mörkin létu á sér standa og 0-1 urðu lokatölur fyrir Fortuna Hjørring. Seinni leikur liðanna fer fram í Danmörku eftir viku.