Flugi Icelandair til Akureyrar og Hornafjarðar hefur verið aflýst vegna veðurs. Flug til Egilsstaða er enn á áætlun. Icelandair aflýsti síðustu flugferð sinni til Akureyrar í gærkvöld af sömu ástæðum. Öllum farþegum sem skráðir voru í flug í dag var boðið að flýta fluginu. Appelsínugul viðvörun er í gildi á Vestfjörðum, Norðurlandi eystra og hálendinu á morgun. Ekki á að draga úr vindi fyrr en kemur fram á jóladag.