Á jóladag 1976 flutti Björk Guðmundsdóttir tónlistarkona jólaguðspjallið í tali og tónum í Jólastundinni okkar á RÚV, þá 11 ára gömul. „Jólin snúast ekki bara um okkur jólasveinana heldur höldum við heilög jól vegna þess að á jólum fæddist Jesús Kristur,“ sagði jólasveinninn og kynnti krakkana. Við fundum þennan gullmola í safni RÚV og það er sannarlega viðeigandi að deila honum á jóladag. Jón Sigurbjörnsson var í hlutverki jólsveinsins. Börn úr Barnamúsíkskólanum undir stjórn Sigríðar Pálmadóttur komu fram ásamt nemendum Helgu Kirchberg: Anna Kristín Bjarnadóttir, Oddný Ágústdóttir, Jónína Gísladóttir og píanóundirspil annaðist Magnús Kjartansson. Annar hljóðfæraleikur: Gunnar Þórðarson, Finnbogi Kjartansson og Þórhallur Sigurðsson.