Şənbə günü, fevralın 7-si axşam saatlarında Bakı-Sumqayıt avtomobil yolunda sürücülərin səbəbini anlaya bilmədiyi, kilometrlərlə uzanan tıxac yarandı. Üstəlik, paytaxtın Tbilisi, Moskva, Azadlıq prospektlərində, 3-cü mkr dairəsində hərəkət, demək olar ki, dayanmışdı. Doğrudur, adi günlərdə də sözügedən istiqamətdə sıxlıq müşahidə olunur və sürücülər mənzilbaşına gec çatırlar. Lakin şənbə günü belə bir vəziyyət təbii çaşqınlıq yaratdı. Sonradan məlum oldu ki, bu xaos təsadüfi deyil, Azərbaycan Avtomobil Yolları Dövlət Agentliyinin (AAYDA) xəbərdarlıq etmədən həyata keçirdiyi işin nəticəsi idi.