Dagurinn verður frekar napur með frosti um allt land og sjö stigum þar sem kaldast verður. Áfram er útlit fyrir él norðan- og austanlands en léttskýjað verður sunnan heiða. Víða er snjóþekja á vegum á norðan- og austanverðu landinu og hálka eða hálkublettir á vegum um land allt. Norðaustan fimm til þrettán metrar á sekúndu og dálítil él norðan- og austanlands, en léttskýjað sunnan heiða. Norðlæg átt, þrír til átta metrar á sekúndu, á morgun, en átta til þrettán austast á landinu. Stöku él fyrir norðan og austan, en bjart að mestu sunnan- og vestantil. Líkur á dálitlum éljum syðst eftir hádegi. Frost tvö til sjö stig að deginum.