Thomas Frank hefur verið rekinn sem stjóri enska úrvalsdeildarfélagsins Tottenham Forest. Daninn tók við liðinu síðasta sumar eftir sjö ár hjá Brentford. Þar áður þjálfaði hann Brøndby í heimalandinu og yngri landslið Danmerkur. Tottenham er sem stendur í 16. sæti ensku úrvalsdeildarinnar, 5 stigum frá fallsvæðinu. Síðasti sigurleikur í deildinni var gegn Crystal Palace 28. desember. Þá er liðið dottið úr leik í FA-bikarnum en gengið í Meistaradeild Evrópu hefur reyndar verið stórgott í vetur og endaði liðið í fjórða sæti í deildarkeppninni. Það kemur því inn í 16-liða úrslitum keppninnar. Samkvæmt veðbönkum þykir Ítalinn Roberto De Zerbi líklegastur til að taka við liðinu en hann hætti með Marseille í gær. Mauricio Pochettino, fyrrum stjóri Tottenham, er einnig orðaður við starfið sem og Xavi og Robbie Keane, fyrrum leikmaður liðsins.