A primeira xornada de folga indefinida no transporte por estrada tivo un amplo seguimento, sobre todo en A Coruña, Compostela e Ferrol, e provocou incidencias mesmo nos servizos mínimos. A CIG mantén o paro tras o rexeitamento da maioría do persoal ao preacordo da patronal con CCOO e UXT, mentres este 12 de febreiro se celebra unha reunión no Consello Galego de Relacións Laborais para aclarar dúbidas sobre o convenio.