АСТАНА. KAZINFORM – 22 наурыз күні Флоридада АҚШ пен Украина делегациялары делдалдық күш-жігер аясында конструктивті кездесулер өткізді. Келіссөздер барысында тараптар негізгі мәселелер шеңберін тарылтуға және оларды реттеуге назар аударып, жан-жақты бейбіт келісімге жақындау мақсатында жұмыс жүргізді. Бұл туралы АҚШ президентінің арнайы өкілі Стив Уиткофф америкалық X әлеуметтік желісінде мәлімдеді.