Nokorwat News សមត្ថកិច្ចបំបែកសំណុំរឿងករណីឃាតកម្ម, ប្លន់សម្លាប់នៅស្រុកបាណន់ កាលពី១០ថ្ងៃមុន
ខេត្តបាត់ដំបង៖ ករណីប្រទះឃើញសាកសពក្នុងទឹកស្រះ ក្បែរជើងភ្នំ១៥០ក្នុងទឹកដីឃុំតាគ្រាម ស្រុកបាណន់ ពេលនេះ ត្រូវបានកម្លាំងជំនាញនៃស្នងការខេត្ត ចាប់ ខ្លួនជនដៃដល់បានម្នាក់ហើយ ខណៈដែលជនដៃដល់ជា ក្លេីឬមិត្តភក្តិ យ៉ាងជិតស្និទ្ធ ជាមួយនឹងជនរងគ្រោះផងដែរ ។ នេះបើតាមការផ្ដល់ព័ត៌មានបឋមពីសមត្ថកិច្ច នៅរសៀលថ្ងៃទី២១ មីនា ឆ្នាំ២០២៦នេះ ខណៈកម្លាំងជំនាញ បាននិងកំពុងមមារញឹក ចុះប្រមូលវត្ថុតាងនានា ដែលជនដៃដល់ បានប្លន់ពីជនរងគ្រោះ ។ សូមរំលឹកថា ក្រោយបាត់ខ្លួន៩ថ្ងៃក្លាយជាសាកសពនៅ ក្នុងទឹកស្រះ សង្ស័យត្រូវគេល្បូងយកទៅសម្លាប់ប្លន់ យកម៉ូតូ០១ គ្រឿងនិងខ្សែក.មាសទម្ងន់២តំឡឹង ។ សមត្ថកិច្ចបានផ្ដល់ព័ត៌មានថា ជនសង្ស័យដែលមន្ត្រីជំនាញឃាត់ខ្លួនបានមាន ឈ្មោះ ភឿក សារ៉ាវុធ ហៅ សម្បត្តិ ភេទប្រុស អាយុ៣៩ឆ្នាំ រស់នៅភូមិខ្នាចរមាស ឃុំខ្នាចរមាស ស្រុកបវេល ខេត្តបាត់ដំបង ខណ:ជន សង្ស័យនិងជនរងគ្រោះរស់នៅក្នុងភូមិ-ឃុំជាមួយគ្នា ហើយក៏ជាពួកម៉ាកជិតស្និទ្ធនឹងគ្នាទៀតផង ។ បើតាមសមត្ថកិច្ចដដែលជនដៃដល់នេះ ត្រូវបានកម្លាំងជំនាញក្របួចយកមកសួរនាំតាំងពី ថ្ងៃទី២០ មីនា ឆ្នាំ២០២៦ ខណៈពេលកំពុងអង្គុយមើល មន្ត្រីជំនាញពិនិត្យសាកសពជនរងគ្រោះនៅកន្លែងកើតហេតុ ។ ...