Nokorwat News អស់លទ្ធភាពប្រដៅកូនញៀនថ្នាំស្រវឹងខួប,លោកឪពុកប្រគល់ឲ្យសមត្ថកិច្ចចាត់ការតាមច្បាប់
ខេត្តបាត់ដំបង៖ ដោយឆ្អែតចិត្ត និងអស់លទ្ធភាពប្រដែរប្រដៅអប់រំលោកកូនប្រុសដែល«ញៀនថ្នាំ និង ស្រា» ចេះតែដើរបង្កហឹង្សាជាញឹកញ៉ាប់មិនថា ក្នុងគ្រួសារ ឬ លើអ្នកភូមិឡើយ ទើបលោកឪពុក សម្រេចលើកម្រាម ដៃដប់ សុំអង្វរដល់សមត្ថកិច្ចឲ្យជួយចាប់លោកកូនអកតញ្ញូម្នាក់នេះដាក់«គុក»ទោះដាក់ប៉ុន្មានឆ្នាំក្ដី ជៀស វាងកុំឲ្យបានបង្កហឹង្សា បំផ្លាញទ្រព្យក្នុងផ្ទះ ឬ ដើរអុកអ្នកភូមិតទៅទៀត។ បុរសម្នាក់ ដែលអះអាងថា ត្រូវជាឪពុកបង្កើតរបស់កូនប្រុសអតតញ្ញូនោះ បានលើកដៃសំពះនៅចំពោះមុខមន្ត្រីនគរបាលមូលដ្ឋាន ដោយទទូចសុំឲ្យសមត្ថកិច្ចឬថ្នាក់ដឹកនាំ ជួយអន្តរាគមន៏ចាប់កូនប្រុសគាត់យកទៅដាក់«គុក»ឲ្យបាត់ពីផ្ទះបែបនេះ ក្រោយពេលកូនប្រុសគាត់រូបនេះ កាន់ដាវក្នុងដៃ ហើយបង្កការគំរាមកំហែង និង កាប់បំផ្លេចបំផ្លាញទ្រព្យសម្បត្តិអ្នកភូមិ ហើយត្រូវសមត្ថកិច្ចមូលដ្ឋានឃាត់ខ្លួនភ្លាមៗ កាលពីវេលាម៉ោង១១និង១៨នាទីយប់ថ្ងៃទី ២១ មិនា ត្រង់ចំណុចភូមិខ្នារ ឃុំឈើទាល ស្រុកបាណន់ ក្រោយទទូលបណ្ដឹងពីជនរងគ្រោះ។ នាយប៉ុស្ដិ៍នគរបាល ឃុំឈើទាល លោក ស៊ីម ពីទូ បានឲ្យដឹងថា ជនដែលតែងបង្កហិង្សារ និង ដើរអុកឡុកអ្នកភូមិនោះ ឈ្មោះ លឿន លីផេង ភេទប្រុសអាយុ២៩ឆ្នាំ រស់នៅភូមិកំពង់ស្រមរ ស្រុកបាណន់។ លោកនាយប៉ុស្ដ៏ បានបញ្ជាក់ថា ជននេះត្រូវបានលោកដឹកនាំកម្លាំងចុះទៅឃាត់ខ្លួនភ្លាមៗទាំងកណ្ដាលយប់ ...