پی ایس ایل 11: تماشائیوں کے بغیر لیگ سے کتنا نقصان ہو گا؟

پاکستان کرکٹ بورڈ (پی سی بی) نے حکومت کی کفایت شعاری مہم کی بنیاد پر پاکستان سپر لیگ (پی ایس ایل) 11 کو تماشائیوں کے بغیر اور صرف دو شہروں میں کروانے کا فیصلہ تو کر لیا ہے، لیکن اس سے بورڈ کو کتنا نقصان ہو گا؟ میڈیا رپورٹس کے مطابق پچھلے برس میدانوں میں میچ دیکھنے والوں سے حاصل ہونے والی رقم 50 کروڑ روپے تھی۔ اب سوال یہ ہے کہ تماشائیوں سے حاصل ہونے والی آمدن یا گیٹ منی کے اس نقصان کا ازالہ کیسے ہو گا؟ اس کے لیے پہلے یہ سمجھنا ضروری ہے کہ پی ایس ایل میں گیٹ منی کسی ایک ٹیم کے پاس نہیں جاتی بلکہ یہ سارا پیسہ ایک سنٹرل ریونیو پول میں شامل کر دیا جاتا ہے، جسے پاکستان کرکٹ بورڈ دیکھتا ہے۔ اس پول میں صرف ٹکٹوں کی آمدنی ہی نہیں بلکہ براڈکاسٹنگ رائٹس، سپانسرشپس اور دیگر ذرائع سے حاصل ہونے والی آمدنی بھی شامل ہوتی ہے۔ پی ایس ایل میں ریونیو تقسیم کرنے کا ایک خاص فارمولہ ہے، جس کے مطابق پی سی بی صرف پانچ فیصد سے کچھ زیادہ حصہ رکھتا ہے جبکہ 90 فیصد سے زیادہ رقم تمام فرنچائزز میں برابر تقسیم ہوتی ہے۔ مثال کے طور پر پی ایس ایل 8 (2023) میں کل آمدن تقریباً 5.62 ارب روپے تھی،جس میں سے پی سی بی کو تقریباً 58 کروڑ روپے ملے جبکہ باقی پانچ ارب روپے فرنچائزز کو دیے گئے۔ اس وقت لیگ میں کُل چھ ٹیمیں تھیں تو ہر ٹیم کو تقریباً 84 کروڑ روپے ملے۔ اہم بات یہ ہے کہ گیٹ منی بھی اسی سینٹرل پول کا حصہ ہوتی ہے، یعنی یہ کسی ’ہوم ٹیم‘ کو الگ سے نہیں دی جاتی بلکہ سب ٹیموں میں برابر تقسیم ہوتی ہے۔ اب پی سی بی کے اعلان کے مطابق گیٹ منی سے ہونے والا نقصان وہ اپنی جیب سے ادا کرے گا۔ گیٹ منی کا مسئلہ تو حل ہو گیا مگر تماشائیوں کے بغیر ہونے والے میچ پھیکے ہی رہیں گے، جس کا ازالہ کسی اور طریقے سے مشکل ہے۔ پاکستان سپر لیگ پی ایس ایل پی سی بی کرکٹ پاکستان کرکٹ بورڈ نے پی ایس ایل 11 کو تماشائیوں کے بغیر اور صرف دو شہروں میں کروانے کا فیصلہ تو کر لیا ہے لیکن اس سے پی سی بی کو کتنا نقصان ہو گا؟ انڈپینڈنٹ اردو جمعرات, مارچ 26, 2026 - 19:45 Main image:

25 مئی، 2025 کی اس تصویر میں پی ایس ایل ایکس کے فائنل کے بعد لاہور کے قذافی سٹیڈیم میں ہونے والی آتش بازی کے مناظر(اے ایف پی)

کرکٹ type: news related nodes: کفایت شعاری مہم: پی ایس ایل خالی میدانوں میں ہو گی پشاور میں رواں سال پی ایس ایل میچز کرانے کا فیصلہ پی ایس ایل کی نئی فرنچائز ’حیدر آباد ہیوسٹن کنگز مین‘ کے نام اور لوگو کا اعلان SEO Title: پی ایس ایل 11: تماشائیوں کے بغیر لیگ سے کتنا نقصان ہو گا؟ copyright: show related homepage: Hide from Homepage

Go to News Site