پاکستان، سعودی عرب، مصر اور ترکی میں بات چیت اس ہفتے پاکستان میں ہو سکتی ہے: انقرہ

ایران کے خلاف امریکہ اور اسرائیل کی مشترکہ جنگ کا آج 28واں دن ہے۔ امریکہ نے اسے ’آپریشن ایپک فیوری‘ جبکہ ایران نے جوابی کارروائی کو ’وعدہ صادق 4‘ کا نام دیا ہے۔ اس جنگ کی تازہ ترین اپ ڈیٹس۔ صبح چھ بج کر 50 منٹ پاکستان، سعودی عرب، مصر اور ترکی میں بات چیت اس ہفتے پاکستان میں ہو سکتی ہے: انقرہ انقرہ نے کہا ہے کہ پاکستان، سعودی عرب، مصر اور ترکی کے درمیان ایران جنگ سے متعلق بات چیت اس ہفتے کے آخر میں پاکستان میں ہو سکتی ہے۔ ترک وزیر خارجہ حاقان فیدان نے نجی نشریاتی ادارے اے خبر سے گفتگو میں کہا ’ابتدا میں ہم نے یہ اجلاس ترکی میں منعقد کرنے کا منصوبہ بنایا تھا… تاہم، چونکہ ہمارے پاکستانی ہم منصبوں کو اپنے ملک میں ہی رہنا ضروری ہے، اس لیے ہم نے اجلاس کو پاکستان منتقل کردیا ہے۔‘ انہوں نے مزید کہا ’یہ ممکن ہے کہ ہم اس ہفتے کے آخر میں وہاں ملاقات کریں۔‘ انقرہ کے اعلیٰ سفارت کار کے مطابق ان مذاکرات میں چار مسلم اکثریتی ممالک کے وزرائے خارجہ شرکت کریں گے۔ صبح چھ بج کر 30 منٹ ایران کا سعودی عرب میں اڈے پر حملہ، کم از کم 10 امریکی فوجی زخمی ایران نے سعودی عرب میں ایک اڈے پر حملہ کیا ہے، جس میں کئی امریکی اہلکار زخمی ہوئے اور طیاروں کو نقصان پہنچا۔ اس حملے سے واقف دو امریکی حکام کے مطابق پرنس سلطان ایئر بیس پر ایرانی حملے میں کم از کم 10 امریکی فوجی زخمی ہوئے۔ ایک اہلکار کے مطابق ان میں سے دو اہلکاروں کی حالت تشویش ناک بتائی گئی ہے۔ دونوں حکام نے حساس فوجی معاملے پر بات کرنے کے لیے نام ظاہر نہ کرنے کی شرط پر گفتگو کی۔ متعدد ایندھن بھرنے والے طیارے بھی متاثر ہوئے۔ اے پی ایران اسرائیل امریکہ ترکی سعودی عرب مصر ترک وزیر خارجہ کے مطابق ’ابتدا میں ہم نے یہ اجلاس ترکی میں منعقد کرنے کا منصوبہ بنایا تھا… تاہم، چونکہ ہمارے پاکستانی ہم منصبوں کا اپنے ملک میں ہی رہنا ضروری ہے، اس لیے ہم نے اجلاس پاکستان منتقل کردیا۔‘ انڈپینڈنٹ اردو ہفتہ, مارچ 28, 2026 - 06:30 Main image:

ترک وزیر خارجہ حاقان فیدان 19 مارچ، 2026 کو دوحہ میں قطر کے وزیرِاعظم و وزیر خارجہ شیخ محمد بن عبدالرحمٰن الثانی کے ساتھ مشترکہ پریس کانفرنس سے خطاب کر رہے ہیں (اے ایف پی)

ایشیا type: news label: لائیو اپ ڈیٹس related nodes: کشمیریوں کی ایران کے لیے عطیہ مہم جوہری تنصیبات کو حملوں کا نشانہ بنایا گیا: ایرانی میڈیا کیا اسرائیلی فوج ’ٹوٹ پھوٹ‘ کا شکار ہے؟ پاکستان امریکہ ایران جنگ میں اہم ثالث کا کردار ادا کر رہا ہے: برطانوی اخبار SEO Title: پاکستان، سعودی عرب، مصر اور ترکی میں بات چیت اس ہفتے پاکستان میں ہو سکتی ہے: انقرہ copyright: show related homepage: Show on Homepage

Go to News Site