udaya gammanpila

එළඹෙන 31 වැනිදා පාස්කු ප්‍රහාරයේ මහ මොළකරු හෙළි කිරීම අනිවාර්යයෙන්ම සිදු කරන බව පිවිතුරු හෙළ උරුමයේ නායක, හිටපු පාර්ලිමේන්තු මන්ත්‍රී උදය ගම්මන්පිල පවසනවා. පසුගියද‍ා මාධ්‍ය හමුවකදී කැබිනට් ප්‍රකාශක අමාත්‍ය නලින්ද ජයතිස්ස තමාට පොත නිකුත් කිරීමට නම් 27 වැනිදා නඩුවෙන් ‘ඇතුළට’ නොගොස් සිටිය යුතු බවට ප්‍රකාශ කළ බවත්, අද දින අධිකරණයට පැමිණි තමා දැන් නිදහසේ ගෙදර යන බවත් මාධ්‍ය වෙත අදහස් දක්වමින් හිටපු මන්ත්‍රීවරයා ප්‍රකාශ කළා. ඒ අනුව 31 වැනිදා පාස්කු ප්‍රහාරයේ මහ මොළකරු හෙළි කරන බවත්, බොරු කුමන්ත්‍රණ න්‍යායන් හැදුවේ කවුරුන්ද යන්න සහ සැබෑ මහ මොළකරු කවුද යන්න සාක්ෂි සහිතව හෙළිදරව් කරන බවයි ඔහු සඳහන් කළේ. ආණ්ඩුවේ නොහැකියාව නිසා අද වන විට රට අඳුරට ගෙන යමින් පවතින බවත්, ඉදිරියේදී අනිවාර්යයෙන්ම විදුලි කප්පාදුවක් සිදු කිරීමට සිදු වන බවත් හිටපු පාර්ලිමේන්තු මන්ත්‍රී උදය ගම්මන්පිල වැඩිදුරටත් පවසා සිටියා. මේ පුවත තව අයට බලන්න Facebook එකට Share කරන්න WhatsApp එකට Share කරන්න

Go to News Site