Инсталирањето Windows 11 добива опција што ја чекавме со години

Инсталирањето Windows 11 добива опција што ја чекавме со години Александра Спасеска 28.03.2026 / 13:23 Вести Секој што некогаш инсталирал Windows 11 ја знае фрустрацијата со автоматски генерираните имиња на кориснички фолдери. Се чини дека Microsoft конечно ги слушна поплаките на корисниците. При поставување на нов систем или купување нов компјутер со оперативниот систем Windows 11, корисниците со години беа осудени на „креативноста“ на алгоритмите на Microsoft. Имено, системот автоматски би го креирал името на вашиот кориснички фолдер (user folder) врз основа на првите пет букви од вашата е-пошта. Резултатот? Ако вашето име е Ивана Ивановска и ја користите е-поштата ivana.ivanovska@gmail.com, вашиот системски фолдер најверојатно би се викал само „ivana“. Ова не само што е естетски иритантно за многумина, туку може да предизвика и проблеми со одреден софтвер и скрипти што бараат специфични патеки. Според порталот Neowin, најновите тест верзии на Windows 11 (во рамките на програмата Insider) воведуваат промена на страницата каде што го избирате името на вашиот компјутер. Сега, покрај опцијата за именување на уредот, се појавува и полето User folder name. Ова им овозможува на корисниците: сами да го наведат името на фолдерот веднаш на почетокот, да избегнат чудни кратенки генерирани од сметка на Microsoft и да си го олеснат навигацијата низ системските датотеки подоцна. Досега, промената на името на корисничкиот фолдер беше „операција на отворено срце“ за просечниот корисник. Тоа бараше промени во базата на податоци на регистарот, креирање привремени администраторски сметки и честопати носеше ризик од губење на податоци или оштетување на профилот. Microsoft очигледно одлучи да се фокусира на точките што најмногу ги нервираат корисниците во 2026 година. Иако е мала работа, тоа покажува дека компанијата од Редмонд полека почнува да нуди поголема контрола врз самиот процес на инсталација, кој неодамна беше критикуван за прекумерното инсистирање на сметки на Microsoft и интернет конекција. Оваа функција моментално е достапна во Dev и Beta каналите (build 26220.8062 и понова) и се очекува да стане дел од стандардната верзија на Windows 11 во едно од следните големи ажурирања во текот на годината. Microsoft Windows Автор/Извор А.С. Прикажи во метро On

Go to News Site