Árneshreppur og Kaldrananeshreppur sameinast

Sveitarfélögin Árneshreppur og Kaldrananeshreppur munu sameinast en lokadagur íbúakosninga um sameiningu þeirra var í dag. Greint er frá atkvæðum í kosningunni í tilkynningu frá sameiginlegri kjörstjórn Árneshrepps og Kaldrananeshrepps, á vef Kaldrananeshrepps . Í Árneshreppi voru 54 á kjörskrá. 81,48% þeirra greiddu atkvæði, eða 44. Þar af sögðu 25 já við sameiningunni eða 56,81%. 18 sögðu nei, eða 40,9%, og 1 seðill var auður. Í Kaldrananeshreppi voru 95 á kjörskrá. 58,94% greiddu atkvæði, eða 54. Þar af greiddu 41 atkvæði með sameiningunni eða 73,21%. 12 sögðu nei, eða 21,42%, og 3 seðlar voru ógildir. Var sameiningin því samþykkt í báðum sveitarfélögunum.

Go to News Site