Faro de Vigo
«A lingua galega non só é o 17 de maio, é todo o ano». As palabras coas que o presidente da Agrupación Miño, Xosé Ramón Piñeiro González, abriu o acto, resumían á perfección o que este significaba. E é que a corporación de asociacións veciñais celebraba este xoves un acto cultural co gallo do Día das Letras Galegas para levar ata a Praza da Ferrería diferentes expresións de arte na lingua galega. Arredor de 50 participantes de tódalas idades reuníronse na porta da acabada de estrear Casa da Maxia para celebrar o galego a ritmo de foliada, pandeirada e recitación de poesía. «Como dicían os vellos de antes, 'o saber non ocupa lugar', e vendo que o galego está cada vez máis apartado nas cidades e nas xuventudes, nós seguiremos a facer este tipo de actos para poñelo en valor», concluía Piñeiro.
Go to News Site