Kajgana
20-годишно лице е четвртата жртва во трагичната несреќа на скопската обиколница Филип Здравески 22.05.2026 / 13:44 Хроника 20-годишно лице е четвртата жртва во трагичната сообраќајна несреќа што се случи ноќеска на скопската обиколница кај клучката Мирковци. Имено според МВР, на 21.05.2026 во 23:00 часот во СВР Скопје е пријавено дека на обиколница на Град Скопје, помеѓу надвозник Визбегово и клучка Мирковци, Б.Б. (76) од Косово, управувајќи товарно возило – влекач MAN со полуприколка со косовски национални ознаки, изгубил контрола над возилото и со него преминал преку металната ограда во спротивната насока на автопатот при што се судрил со патничко возило BMW со скопски регистарски ознаки, управувано од Р.В. (51) од Скопје. Од сударот настанал пожар во двете возила од кој патничкото возило и кабината на влекачот целосно изгореле. Пожарот бил изгаснат од екипа на Бригадата за противпожарна заштита Скопје. Од здобиените повреди на местото на несреќата починал возачот Р.В. и сопатниците од неговото возило, А.В. (20, П.М. (20) и М.Ѓ. (20), сите од Скопје. Подоцна стана познато дека двајца од жртвите се баритонот и првенец на Националната опера и балет, Ристе Велков, и неговиот син Адам. Лекар од Итна медицинска помош констатирал смрт, а по наредба на јавен обвинител телата на починатите се дадени на обдукција. Исто така, по наредба на јавен обвинител возачот Б.Б. е лишен од слобода и задржан во полициска станица. По целосно расчистување и документирање на случајот ќе биде поднесена соодветна пријава, соопшти МВР. Автор/Извор Макфакс Прикажи во метро Off
Go to News Site