ایران سے معاہدہ بڑی حد تک طے پا چکا، حتمی تفصیلات زیرِ غور: صدر ٹرمپ

پاکستان کے وزیر اعظم شہباز شریف نے ایران سے معاہدے کے لیے ہونے والے مذاکرات میں پیش رفت پر امریکی صدر کو مبارک باد دی ہے۔ شہباز شریف جو اس وقت چین میں موجود ہیں ایکس پر اپنے بیان میں کہتے ہیں کہ ’میں صدر ڈونلڈ ٹرمپ کو امن کے قیام کے لیے ان کی غیر معمولی کوششوں پر مبارکباد پیش کرتا ہوں، اور آج ہونے والی اس اہم اور نتیجہ خیز ٹیلیفونک گفتگو کو سراہتا ہوں۔‘ انہوں نے کہا کہ ’پاکستان کی نمائندگی فیلڈ مارشل سید عاصم منیر نے کی، اور میں اس پورے عمل کے دوران ان کی انتھک کوششوں کو قدر کی نگاہ سے دیکھتا ہوں۔ ’اس گفتگو نے خطے کی موجودہ صورت حال پر تبادلۂ خیال اور جاری امن کوششوں کو آگے بڑھانے کے حوالے سے ایک مؤثر موقع فراہم کیا، تاکہ خطے میں دیرپا امن کی راہ ہموار کی جا سکے۔‘ ایران سے معاہدہ بڑی حد تک طے پا چکا، حتمی تفصیلات زیرِ غور: ٹرمپ امریکی صدر ڈونلڈ ٹرمپ کا کہنا ہے کہ ایران سے ’ایک معاہدہ بڑی حد‘ تک طے پا چکا ہے۔ تاہم ان کا کہنا ہے کہ اس کی حتمی منظوری امریکہ، ایران اور دیگر متعلقہ ممالک کے درمیان ہونا باقی ہے۔ صدر ٹرمپ نے ٹروتھ سوشل پر اپنے ایک بیان کہا کہ ان کی سعودی عرب کے ولی عہد شہزادہ محمد بن سلمان اور پاکستان فیلڈ مارشل سمیت  متحدہ عرب امارات، قطر، ترکی، مصر، اردن اور بحرین کی قیادت سے ایران اور خطے میں امن سے متعلق امور پر تفصیلی گفتگو کی۔ ان کا مزید کہنا تھا کہ اس گفتگو کا محور ایران اور امن کے قیام سے متعلق ایک مجوزہ ’مفاہمتی یادداشت‘تھی۔ ڈونلڈ ٹرمپ نے کہا کہ معاہدے کی حتمی تفصیلات اس وقت زیرِ غور ہیں اور جلد اس کا اعلان کیا جا سکتا ہے۔ اپنے بیان میں ان کا کہنا تھا کہ اگر یہ معاہدہ طے پا جاتا ہے تو اس کے تحت آبنائے ہرمز کو بھی کھول دیا جائے گا، جو عالمی تجارت کے لیے ایک نہایت اہم بحری راستہ سمجھا جاتا ہے۔ پاکستان ایران مشرق وسطیٰ صدر ڈونلڈ ٹرمپ امریکہ ڈونلڈ ٹرمپ نے کہا کہ معاہدے کی حتمی تفصیلات اس وقت زیرِ غور ہیں اور جلد اس کا اعلان کیا جا سکتا ہے۔ انڈپینڈنٹ اردو اتوار, مئی 24, 2026 - 06:30 Main image: امریکی صدر ڈونلڈ ٹرمپ 22 مئی 2026 کو نیو یارک میں ایک تقریب سے خطاب کے بعد شرکا کی جانب اشارہ کرتے ہوئے (اے ایف پی) دنیا type: news related nodes: فیلڈ مارشل کے دورہ ایران میں حتمی مفاہمت کی جانب حوصلہ افزا پیش رفت: آئی ایس پی آر پاکستان ایران کو راہداری کیوں دے رہا ہے؟ وزیر داخلہ محسن نقوی کی تہران میں ایرانی صدر سے ملاقات SEO Title: ایران سے معاہدہ بڑی حد تک طے پا چکا، حتمی تفصیلات زیرِ غور: صدر ٹرمپ copyright: show related homepage: Show on Homepage

Go to News Site