فیفا: امریکہ میں داخلے کی اجازت نہ ملنے پر صومالی ریفری کا خواب ادھورا

Independent Urdu

فیفا: امریکہ میں داخلے کی اجازت نہ ملنے پر صومالی ریفری کا خواب ادھورا

امریکہ نے اختتام ہفتہ پر فٹبال ریفری عمر عبدالقادر ارتان کو ملک میں داخلے کی اجازت دینے سے انکار کر دیا، حالانکہ توقع کی جا رہی تھی کہ وہ ورلڈ کپ کے کسی میچ میں آفیشل کے فرائض انجام دینے والے پہلے صومالی ریفری بنیں گے۔ فیفا ترجمان نے پیر کو بتایا کہ ارتان ورلڈ کپ، جو جمعرات سے شروع ہو رہا ہے، میں تربیت حاصل کرنے اور میچوں میں ریفری کے فرائض انجام دینے سے محروم رہیں گے کیونکہ انہیں امریکہ میں داخل ہونے کی اجازت نہیں دی گئی۔ ترجمان نے کہا ’فیفا میزبان ملک کے امیگریشن معاملات یا ویزا فیصلوں میں شامل نہیں ہوتا، اور ہمیں حکام نے آگاہ کیا ہے کہ فی الحال مسٹر ارتان کی حیثیت میں کوئی تبدیلی نہیں کی جائے گی۔‘ عمر عبدالقادر ارتان نے اپنے بیان میں کہا کہ حالات کے باوجود وہ مثبت سوچ رکھتے ہیں اور اپنے ریفری کے کریئر کے آئندہ مراحل پر توجہ مرکوز کیے ہوئے ہیں۔ انہوں نے کہا کہ ’میں فیفا اور سی اے ایف کا ان کی مکمل حمایت پر شکریہ ادا کرتا ہوں اور وعدہ کرتا ہوں کہ مستقبل پر توجہ دیتے ہوئے اپنے ریفری کے معیار کو برقرار رکھوں گا۔‘ ان کا مزید کہنا تھا کہ ’میں فٹبال فیملی کا ان کے پیغامات پر شکریہ ادا کرتا ہوں، اپنے ساتھیوں کے لیے ورلڈ کپ میں کامیابی کی دعا کرتا ہوں اور مستقبل کے مقابلوں میں دوبارہ ان کے ساتھ شامل ہونے کا منتظر ہوں۔‘ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) امریکی محکمہ کسٹمز اور بارڈر پروٹیکشن کے اہلکار نے نام ظاہر کیے بغیر، بتایا کہ ایک صومالی شہری ہفتے کے روز استنبول سے میامی انٹرنیشنل ایئرپورٹ پہنچا تھا، لیکن جانچ پڑتال کے دوران بعض سکیورٹی خدشات کی بنا پر اسے ناقابلِ قبول قرار دیا گیا۔ ادارے نے ان خدشات کی تفصیلات نہیں بتائیں، تاہم کہا کہ معمول کی اضافی جانچ کے بعد اس شخص کو داخلے کی اجازت نہیں دی گئی۔ بیان میں کہا گیا کہ ’داخلے کے فیصلے ہر فرد کے بارے میں الگ الگ کیے جاتے ہیں اور اس وقت دستیاب قانون نافذ کرنے والے اداروں، قومی سلامتی اور امیگریشن سے متعلق معلومات کی بنیاد پر ہوتے ہیں۔‘ ٹرمپ انتظامیہ کی سخت امیگریشن پالیسیوں کے باعث ورلڈ کپ سے قبل خدشات پہلے ہی موجود تھے۔ گذشتہ سال واشنگٹن نے صومالیہ سمیت 12 ممالک کے شہریوں پر وسیع سفری پابندیاں عائد کی تھیں۔ میڈیا رپورٹس کے مطابق ارتان کے پاس درست ویزا موجود تھا۔ واشنگٹن میںصومالی سفارت خانے نے اس معاملے پر فوری طور پر کوئی تبصرہ نہیں کیا۔ ارتان کو 2025 کے لیے سی اے ایف کی جانب سے بہترین مرد ریفری کا اعزاز بھی دیا گیا تھا۔ فیفا ورلڈ کپ 2026 امریکہ امریکہ ویزا اگر عمر عبدالقادر ارتان کو اجازت مل جاتی تو وہ ورلڈ کپ کے کسی میچ میں بطور آفیشل فرائض انجام دینے والے پہلے صومالی ریفری بن جاتے۔ روئٹرز منگل, جون 9, 2026 - 09:00 Main image: صومالی فٹ بال ریفری عمر عبدالقادر ارتان 23 جنوری 2024 کو ایفریقہ کپ آف نیشن میں بطور آفیشل فرائض انجام دیتے ہوئے (فائل فوٹو/ اے ایف پی) فٹ بال type: news related nodes: ورلڈ کپ 2026: فیفا نے فینز کو پانی کی بوتلیں لانے سے کیوں روک دیا؟ ورلڈ کپ: سٹار فٹ بالر نیمار کی پہلے میچ میں شرکت مشکوک فیفا ورلڈ کپ جیتنے کے لیے بڑے امیدواروں کی تیاری کیسی ہے؟ فیفا ورلڈ کپ میں اس بار کون سے نوجوان ستارے جگمگائیں گے؟ SEO Title: فیفا: امریکہ میں داخلے کی اجازت نہ ملنے پر صومالی ریفری کا خواب ادھورا copyright: show related homepage: Hide from Homepage

Go to News Site

Google Play

App Store