Ազատություն
Իսրայելն ու Իրանը համաձայնել են առնվազն մեկ շաբաթ հանգիստ թողնել միմյանց, հայտարարել է ԱՄՆ նախագահը՝ հավելելով, որ «շատ լավ զրույց» է ունեցել Իսրայելի վարչապետ Բենյամին Նեթանյահուի հետ։ Դոնալդ Թրամփն այս մասին հայտարարել է ժամեր անց այն բանից հետո, երբ Իրանն ու Իսրայելը, մի քանի հարվածներ փոխանակելուց հետո երեկ հայտարարեցին, որ դադարեցնում են ռազմական գործողությունները: Սպիտակ տան ղեկավարը նշել է, որ չի մեղադրում Նեթանյահուին իր գործողությունների համար, քանի որ Իսրայելը հարձակման է ենթարկվել, ինչին էլ պատասխանել է: «Եմ հիմա նրանք դադարեցրել են կրակը։ Այնպես որ, նրանք պարզապես միմյանց հանգիստ կթողնեն ևս մեկ շաբաթ կամ մոտավորապես այդքան»,- լրագրողներին ասել է Թրամփը։ Նա նաև նշել է, որ ԱՄՆ-ն «շատ լավ գործարքի վերջին փուլում է», որը ոչ մի կերպ Իրանին թույլ չի տա միջուկային զենք ստեղծել: «Իսկ [Հորմուզի] նեղուցը կբացվի անմիջապես։ Այն կբացվի գործարքի ստորագրումից անմիջապես հետո, ինչը կարող է լինել երկու կամ երեք օրից», - հավելել է նա։
Go to News Site
MAMUL 
Aravot Daily 
NEWS.am 
