Telegrafi
Klubet e Superligës së Arabisë Saudite nuk po heqin dorë nga interesi i tyre për yllin e Barcelonës, Raphinha, dhe tashmë kanë planifikuar ofertat. Sipas gazetës Mundo Deportivo, Al-Hilal dhe Al-Nassr po shqyrtojnë një ofertë me vlerë 80 milionë euro për ta larguar Raphinha nga Barcelona këtë verë. Dy gjigantët e ligës saudite, të mbështetur nga fuqia financiare e PIF-it, janë gjithashtu të gatshëm të katërfishojnë pagën aktuale të brazilianit. Ardhja e Anthony Gordon te Barcelona nga Neëcastle United në një marrëveshje të shtrenjtë prej 80 milionë eurosh ka ngritur pikëpyetje mbi pozicionin e Raphinhas; megjithatë, gjigantët katalunas e shohin brazilianin si të paprekshëm dhe pjesë integrale të planeve të Hansi Flick për sezonin e ardhshëm. Raphinha, 29 vjeç, ka qenë padyshim një nga lojtarët më me ndikim pas ringjalljes së Barcelonës nën drejtimin e Flick, duke fituar dy tituj radhazi të La Ligës në dy sezonet e fundit. /Telegrafi/
Go to News Site
Kosovo Online 
