Урмите стануваат сè попопуларна храна: Главна состојка се за засладување смутија и десерти

Kajgana

Урмите стануваат сè попопуларна храна: Главна состојка се за засладување смутија и десерти

Урмите стануваат сè попопуларна храна: Главна состојка се за засладување смутија и десерти Филип Здравески 09.06.2026 / 09:33 Живот Урмите, една од најстарите намирници во човечката историја, бележат зголемување на продажбата во САД, во време кога сè повеќе луѓе избираат поздрави алтернативи на ултра-преработената храна. Еден од основачите на компанија за органско одгледување урми во Калифорнија изјави за Food52 дека продажбата на урми во САД се зголемила за 33% во 2025 година. Слични бројки се евидентираат и за оваа година, а експертите предвидуваат дека до 2034 година пазарот на урми во САД ќе достигне 1,6 милијарди долари. Во Обединетото Кралство, продажбата на урми од видот меџул се зголемила за 100% во споредба со претходната година. Според Клиниката „Кливленд“, здравствените придобивки од јадењето урми вклучуваат подобрено здравје на цревата, подобра функција на мозокот, поздрава кожа и намален ризик од неколку болести. „Иако урмите може да бидат најновиот тренд кај потрошувачите, тие со години се основна намирница кај диететичарите за засладување на смутија и десерти со ниска содржина на шеќер“, рече регистрираната диететичарка Лиса Московиц. Московиц забележа дека содржината на шеќер во урмите може брзо да се зголеми. „Просечната урма содржи околу 15 грама природен шеќер, па ако треба да внимавате на внесот на шеќер, комбинирајте го ова вкусно сушено овошје со јаткасти плодови или семки за да го балансирате нивото на гликоза во крвта“, рече таа. урми Автор/Извор Ф.З. Прикажи во метро On

Go to News Site

Google Play

App Store