انڈیا: میڈیکل انٹری ٹیسٹ کا پرچہ بنانے والے بغیر موبائل، انٹرنیٹ کے لاک ڈاؤن میں کیوں؟

Independent Urdu

انڈیا: میڈیکل انٹری ٹیسٹ کا پرچہ بنانے والے بغیر موبائل، انٹرنیٹ کے لاک ڈاؤن میں کیوں؟

انڈیا کی حکومت نے نیشنل میڈیکل انٹری ٹیسٹ کے پرچوں کو لیک ہونے کے خطرے کے پیش نظر ان پرچوں کو مرتب کرنے والے ماہرین کو ایک غیر معمولی اقدام کے تحت لاک ڈاؤن میں بھیج دیا ہے۔ ٹائمز آف انڈیا کی رپورٹ کے مطابق قومی اہلیت و انٹری ٹیسٹ (National Eligibility Entrance Test) یا ’نیٹ‘ کے پرچے کی تیاری، اس کی جانچ پڑتال (ماڈریشن) اور ترجمے میں شامل تمام افراد کو بیرونی دنیا سے رابطہ کرنے اور موبائل فون یا دیگر الیکٹرانک آلات استعمال کرنے سے روک دیا گیا ہے۔ حکومت خصوصاً وزیر تعلیم دھرمیندر پردھان کو گذشتہ ماہ انٹری ٹیسٹ منسوخ کیے جانے کے بعد شدید تنقید کا سامنا ہے۔ یہ ٹیسٹ مبینہ طور پر پرچہ لیک ہونے کے باعث منسوخ کیا گیا تھا، جس سے ڈاکٹر بننے کے خواہش مند 23 لاکھ امیدوار متاثر ہوئے تھے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) ٹیسٹ کی منسوخی کے بعد مقامی میڈیا نے رپورٹ کیا کہ تنازعے کے باعث پیدا ہونے والی غیر یقینی صورت حال اور ذہنی دباؤ کے نتیجے میں کئی نوعمر افراد نے خودکشی کر لی۔ 20 مئی کو ریاست مدھیہ پردیش میں ڈاکٹر بننے کی خواہش مند 18 سالہ لڑکی نے مبینہ طور پر نیٹ ٹیسٹ کی منسوخی کے بعد اپنے گھر میں خودکشی کر لی تھی۔ دھرمیندر پردھان نے گذشتہ ماہ کہا تھا کہ نریندر مودی حکومت 21 جون کو ہونے والے دوسرے ٹیسٹ کے انعقاد کے لیے غیر معمولی اقدامات کر رہی ہے، جن میں امتحانی مواد کو محفوظ طریقے سے منتقل کرنے کے لیے فضائیہ کے طیاروں کا استعمال بھی شامل ہے تاکہ پرچہ لیک ہونے کے واقعات سے بچا جا سکے۔ رپورٹ کے مطابق سوالیہ پرچہ تیار کرنے والے افراد کو ایک ’انتہائی محفوظ مرکز‘ میں منتقل کر دیا گیا ہے اور ان کی 24 گھنٹے نگرانی کی جا رہی ہے۔ یہ ماہرین 21 جون تک لاک ڈاؤن میں رہیں گے۔ یہ وہ دن ہے جب دوبارہ ٹیسٹ دوپہر 2 بجے سے شام 5 بج کر 15 منٹ تک لیا جائے گا۔ 2 جون 2026 کو ممبئی میں میڈیکل انٹری ٹیسٹ کا پرچہ مبینہ طور پر لیک ہونے اور نیٹ ٹیسٹ کے بعد ازاں دوبارہ شیڈول کیے جانے کے خلاف نیشنل ٹیسٹنگ ایجنسی کے خلاف احتجاج کے دوران انڈین یوتھ کانگریس کے کارکنان وزیرِ تعلیم دھرمیندر پردھان کی تصاویر والے پلے کارڈز اٹھائے ہوئے ہیں۔ (اندرانیل مکھرجی / اے ایف پی) موبائل فون، لیپ ٹاپ، سمارٹ واچز اور دیگر مواصلاتی آلات پر پابندی عائد کر دی گئی ہے جبکہ انٹرنیٹ تک رسائی اور بیرونی رابطوں کو بھی سختی سے محدود کر دیا گیا ہے۔ مرکز میں داخلے اور وہاں سے باہر جانے کی تمام سرگرمیوں کی کڑی نگرانی اور ریکارڈنگ کی جا رہی ہے اور صرف مجاز افراد کو رسائی حاصل ہے۔ سرکاری حکام نے ٹائمز آف انڈیا کو بتایا کہ سوالیہ پرچہ تیار کرنے والوں کو الگ تھلگ رکھنا امتحانی عمل کے تحفظ کے لیے وضع کیے گئے کثیر سطحی سکیورٹی نظام کی پہلی تہہ ہے۔ دوبارہ ٹیسٹ سے قبل سوشل میڈیا پر ایسی پوسٹس سامنے آئیں جن میں دعویٰ کیا گیا کہ نئے سوالات فروخت کے لیے دستیاب ہیں، تاہم نیشنل ٹیسٹنگ ایجنسی نے ان دعوؤں کو جعلی اور بے بنیاد قرار دے کر مسترد کر دیا۔ حکام نے اخبار کو بتایا کہ وہ ’سوشل میڈیا پلیٹ فارمز، میسجنگ ایپس اور آن لائن فورمز کی 24 گھنٹے نگرانی کر رہے ہیں تاکہ جعلی سوالیہ پرچوں، غلط معلومات پھیلانے والی مہمات اور مشتبہ سرگرمیوں کی نشاندہی کی جا سکے۔‘ انڈیا انٹری ٹیسٹ امتحانی پرچہ حکام نے انٹری ٹیسٹ کی تیاری، جانچ پڑتال اور ترجمے میں شامل تمام افراد کو بیرونی دنیا سے رابطہ کرنے اور موبائل فون یا دیگر الیکٹرانک آلات استعمال کرنے سے روک دیا ہے۔ علیشا رحمٰن سرکار منگل, جون 9, 2026 - 13:00 Main image: 14 مئی 2026 کی اس تصویر میں چنئی میں میڈیکل انٹری ٹیسٹ مبینہ طور پر لیک ہونے کے باعث نیٹ امتحان کی منسوخی کے خلاف طلبہ فیڈریشن آف انڈیا کے ارکان نیشنل ٹیسٹنگ ایجنسی (این ٹی اے) کے خلاف احتجاج کرتے ہوئے (آر ستیش بابو / اے ایف پی) ایشیا type: news related nodes: جلسے جلوسوں پر پابندی لیکن میڈیکل انٹری ٹیسٹ منسوخ نہ ہوئے امتحانی پرچہ برائے کرونا وائرس انڈین طلبہ کے لیے امریکہ کے ’ریکارڈ‘ سٹوڈنٹ ویزے SEO Title: انڈیا: میڈیکل انٹری ٹیسٹ کا پرچہ بنانے والے بغیر موبائل، انٹرنیٹ کے لاک ڈاؤن میں کیوں؟ copyright: IndependentEnglish origin url: https://www.independent.co.uk/asia/india/neet-question-leak-paper-setters-lockdown-b2991647.html show related homepage: Show on Homepage

Go to News Site

Google Play

App Store