Ազատություն
Ոչ մի զինծառայող ընտրատեղամաս ուշ չի ներկայացել, րագրողների հետ զրույցում հայտարարեց Հայաստանի ԶՈՒ Գլխավոր շտաբի պետ Էդվարդ Ասրյանը: «Երբ որ քաղաքացին, զինվորը կապ չունի, գտնվում է ընտրատեղամասի տարածքում, թույլատրվում է՝ նա շարունակի իր սահմանադրական իրավունքը», - ասաց Էդվարդ Ասրյանը: Լրագրողի դիտարկմանը՝ «հարցն այն մասին չէ, որ ներսում են եղել, այլ ընտրատեղամաս են մտել 20:03», Գլխավոր շտաբի պետը պատասխանեց. «Այդ հարցերն արդեն Կենտրոնական ընտրական հանձնաժողովի նախագահ կա, ընտրատեղամասային հանձնաժողովների նախագահներ կան»: Հարցին՝ հնարավոր չէ՞ր զինվորիներին ավելի շուտ բերել ընտրատեղամաս, Ասրյանն արձագանքեց. «Մեր զինծառայողները ընտրատեղամասի տարածքում եղել են սահմանված ժամին, այսինքն, ոչ մի զինծառայող ընտրատեղամաս ուշ չի ներկայացել, դրա համար էլ կարող եք հարցերը տալ ընտրական հանձնաժողովի նախագահին»: Չնայած տեղամասերում քվեների հաշվարկն ավարտել էին, Սոթքում, Ագարակում զինվորները քվեարկում ու քվեարկում էին. 35/65 և 20/56 տեղամասերում ձայների հաշվարկն ավարտել են լուսաբացին: Ըստ News.am-ի՝ Սոթքի տեղամասում շարքով կանգնած զինծառայողների, ինչպես նաև բակում բազմաթիվ զինվորների կադրերը ոչ թե կեսօրին են եղել, այլ արդեն երեկոյան: Ընտրական օրենսգիրքն է սահմանում ժամը 20:00-ին քվեարկության սենյակում գտնվող, բայց դեռևս չքվեարկած ընտրողները քվեարկելու իրավունք ունեն: Ագարակի տեղամասի դեպքում երեկոյան 8-ից րոպեներ առաջ են ավելի քան 200 զինվորներ հասցրել տեղամաս մտնել, բայց տեղամաս մտնելը դեռ քվեարկության սենյակում գտնվելը չէ, և դիտորդները սա էական խախտում են համարում:
Go to News Site
MAMUL 
Aravot Daily 
NEWS.am 
Lurer 
