Kurir

WhatsApp X (Twitter) Facebook Telegram Link

Џесика Алба ѝ посвети емотивна честитка на ќерката Онор за нејзиниот 18-ти роденден

Џесика Алба прослави важен ден во животот на нејзината најстара ќерка Онор, која наполни 18 години. Познатата актерка и претприемачка ѝ посвети емотивна објава на Инстаграм, а во видео се потсети на нивните заеднички моменти. Поздравот беше придружен со бројни фотографии и видеа од растењето на Онор. 45-годишната ѕвезда ја избра песната на Битлси „Blackbird“ за музичкото видео. Во долга и емотивна порака, Алба напиша колку ја сака својата ќерка и колку е горда на неа. „Среќен 18-ти роденден на мојата „Чест“, моето мило девојче, моето брилијантно девојче, мојата сјајна светлина“, започна Алба. „Кога ќе се осврнам на изминатите 18 години, искрено можам да кажам дека тоа беа најдлабоките и најважните години од мојот живот. Ми го отвори срцето и го прошири моето разбирање за љубовта на начини за кои никогаш не знаев дека се можни.“ Џесика ги има Онор, 14-годишната ќерка Хејвен и осумгодишниот син Хејс со поранешниот сопруг Кеш Ворен. Двојката беше во брак 16 години, а актерката поднесе барање за развод во февруари минатата година. View this post on Instagram A post shared by Jessica Alba (@jessicaalba) Таа ја продолжи својата објава со пофални зборови за својата ќерка. „Секогаш ја осветлуваше секоја соба во која влегуваше. Љубезна си и внимателна, но сепак жива и духовита. Имаш брзо, остро и неочекувано чувство за хумор. Неверојатно си интелигентна, бескрајно љубопитна и не би можела да бидам погорда на младата жена во која порасна“, напиша таа. Алба ја пофали исклучителната емоционална длабочина на Хонорина и нејзината способност да сочувствува со луѓе кои не се дел од нејзиниот непосреден круг. „Кога ќе видите некого како седи сам на клупа во парк, тоа може да ве расплаче, но и наједноставниот гест на љубезност може да ве трогне“, додаде таа. Таа ја опиша својата ќерка како силна, полна со живот, исклучително решителна и самоуверена. View this post on Instagram A post shared by Jessica Alba (@jessicaalba) Актерката, исто така, истакна колку Онор ја инспирира. „Ти ја зборуваш својата вистина, го живееш својот живот искрено и ме инспирираш мене секој ден да го живеам својот живот до максимум“, напиша таа. Таа ја заврши објавата со ветување за иднината, признавајќи дека има мешани чувства додека нејзината ќерка влегува во светот на возрасните.

Google Play App Store