Mediamax

Փաշինյանը կարեւորել է TRIPP նախագծի համաձայնագրի արագ վավերացումը

Երեւան։ Մեդիամաքս։ Հայաստանի վարչապետ Նիկոլ Փաշինյանն այսօր ասել է, որ պետք է հնարավորինս արագ ապահովել TRIPP նախագծի վերաբերյալ Հայաստանի եւ Միացյալ Նահանգների միջեւ ստորագրած համաձայնագրի վավերացման ընթացակարգը։ «Ես մեր ֆինանսական հնարավորությունների հետ կապված մտավախություն չունեմ, որովհետեւ առաջիկայում ակնհայտորեն եւ անկասկած Հայաստանում մեծ ներդրումային ակտիվություն է լինելու։ TRIPP նախագիծը միլիարդանոց ծրագիր է, որն իր հետեւից բերելու է նաեւ նոր միլիարդների ներհոսք։ Մենք այստեղ պետք է ավելի վստահ լինենք։ Ընդ որում, նախորդող շրջանի մեր փորձը ցույց է տվել, որ փողը կարեւորը չէ, կարեւորը բովանդակությունն է: Երբ գիտենք՝ ինչ ենք անում, ինչի համար ենք անում, այսինքն՝ որոշված է մեզ անհրաժեշտ բովանդակությունը, փողի հարցը միշտ էլ լուծելի է»,- ասել է վարչապետը՝ կառավարության անդամների մասնակցությամբ հրավիրված խորհրդակցությանը։

Go to News Site

Google Play

App Store