Kajgana
Кои се најгледаните серии на Netflix досега? Александра Спасеска 09.06.2026 / 14:55 Филм & ТВ Популарната хорор комедија Wednesday во која глуми Џена Ортега како истоимениот член на семејството Адамс, стана најгледана серија на сите времиња на Netflix. Според стриминг сервисот, првата сезона има акумулирано повеќе од 1,7 милијарди часа гледање и повеќе од 252 милиони прегледи од нејзината премиера во 2022 година, според HuffPost. Серијата освои бројни признанија за време на нејзиното прикажување и доби повеќе номинации и награди Еми. Втората сезона исто така беше огромен успех и веќе надмина 119 милиони прегледи. Трета сезона е во подготовка, во која Џена Ортега ќе се врати во улогата на Венздеј Адамс, а заплетот ќе ги следи нејзините нови авантури во академијата Nevermore и понатаму. Remote video URL Други наслови меѓу 10-те најгледани На второ место е Adolescence, ограничена серија која ги освои публиката и критичарите благодарение на изведбите на Стивен Греам, Ерин Доерти, Ешли Волтерс и Овен Купер. Серијата освои Еми награди, Златни глобуси, БАФТА награди и награди „Избор на критичарите“ за време на сезоната на награди. Remote video URL Близу до врвот на листата се последните две сезони од серијата Stranger Things, која ги следи настаните во малото гратче Хокинс и мистериозната димензија позната како Превртено. Серијата помогна во започнувањето на кариерите на бројни млади ѕвезди низ годините, вклучувајќи ги Мили Боби Браун, Фин Волфхард, Сејди Синк, Ноа Шнап, Кејлеб Меклафлин и Гатен Матарацо. Remote video URL Меѓу десетте најгледани серии на Netflix се првата и третата сезона на Bridgerton, романтична драма сместена во ерата на Регентството, потоа Monster: The Jeffrey Dahmer Story, антологиската серија на Рајан Марфи за еден од најпознатите американски сериски убијци, и The Queen's Gambit, адаптација на романот на Волтер Тевис со Ања Тејлор-Џој во главната улога. Листата завршува со крими-серијата His & Hers со Теса Томпсон и Џон Бернтал, која постави нов рекорд на гледаност на Netflix само неколку месеци по премиерата. Remote video URL Netflix Автор/Извор А.С. Прикажи во метро On
Go to News Site
ZHURNAL 
Press24 
Вечер 
