Presidentja e Komisionit Europian, Ursula von der Leyen do ta vizitojë Kosovën sot më 15.10.2025. Gjatë qëndrimit të saj njëditor, ajo do të takojë presidenten Vjosa Osmani dhe kryeministrin në detyrë, Albin Kurti. Turin në Ballkanin Perëndimor ajo e ka nisur në kryeqytetin e Shqipërisë, Tiranë, ku po mbajt Forumi për Investime BE-Ballkani Perëndimor më […] The post Kompleksi ‘Viena’ – Harmoni mes detit dhe investimit të sigurtë appeared first on Raporto Korrupsionin! KALLXO.com .

• Kallxo
• 5 saat, 10 dakika

Kompania e Kim Kardashian, SKIMS, ka lansuar produktin e saj më të diskutueshëm deri më tani - një linjë tangash me qime pubike artificiale, të disponueshme në të kuqe, blu dhe kafe, si dhe në tekstura të drejta dhe kaçurrela. "Sa qesharake janë këto?", Kim pyeti ndjekësit në një postim në Instagram më 14 tetor, duke treguar gjithashtu disa mostra të të brendshmeve të reja. Natyrisht, fansat mbetën të shtangur nga aksesori prej qimesh sintetike. Foto: Instagram Produkti, i përshkruar në faqen e internetit të SKIMS si "mbathjet më të guximshme" të markës "deri më tani", u shitën në pothuajse të gjitha madhësitë dhe stilet brenda pak orësh nga lansimi. Çmimet e mbathjeve janë 42 euro. Megjithatë, përdoruesit e tjerë të rrjeteve sociale ishin më pak entuziastë. Siç shkroi një fans në një postim në Xu: "Kim Kardashian po çmendet plotësisht me ato të brendshme të reja”. "Kim nuk mund të jetë serioze”, shkroi një tjetër pranë një pamjeje të ekranit të produktit. Foto: SKIMS Kjo nuk është hera e parë që Kim bën bujë me një produkt SKIMS. Në korrik, ajo prezantoi një linjë mbështjellësish fytyre, "risia e parë e markës për fytyrën". “Ne do të ofrojmë një produkt vërtet të mahnitshëm për shtrëngimin e fytyrës, e cila është shumë e nevojshme", tha Kim në atë kohë. "Thjesht shtrëngon mjekrën dhe nofullën, dhe është super e rehatshme për t'u mbajtur natën ose thjesht nëpër shtëpi”. Ndërsa shumë njerëz theksuan se mbështjellja nuk do të bënte shumë për konturimin e fytyrës, të tjerë menduan se mund të ishte e dobishme për njerëzit me çrregullime të nyjeve temporomandibulare. /Telegrafi/

• Telegrafi
• 5 saat, 10 dakika

Gjatë ndeshjes kualifikuese për Kupën e Botës 2026 kundër Izraelit, tifozët e kombëtares së Italisë vërshëllyen me zë të lartë himnin mysafir. Para ndeshjes, mijëra demonstrues u mblodhën në Udine, duke shprehur kundërshtimin e tyre ndaj gjenocidit izraelit në Gaza dhe duke bërë thirrje për ndërprerjen e menjëhershme të operacioneve ushtarake. Mediat lokale raportojnë se më shumë se 10,000 demonstrues dolën në rrugë, ndërsa më shumë se 1,000 anëtarë të forcave të sigurisë, përfshirë policinë, karabinierët, ushtrinë dhe sigurime private, u punësuan për të siguruar qytetin dhe stadiumin. Në stadium, izraelitët u pritën nga një atmosferë jashtëzakonisht armiqësore, e cila u ndje më shumë gjatë këndimit të himnit kombëtar nga mysafirët. Publiku italian, përfshirë figura të shumta sportive dhe politike, ka kërkuar me forcë prej muajsh që ekipi kombëtar izraelit, si dhe të gjitha klubet izraelite, të përjashtohen nga garat ndërkombëtare, ngjashëm me atë që u bë me Rusinë pas fillimit të luftës në Ukrainë. Megjithatë, pavarësisht kërkesave dhe thirrjeve të shumta nga Evropa, organizatat e futbollit UEFA dhe FIFA i kanë refuzuar propozime të tilla, duke deklaruar se nuk kanë ndërmend të përziejnë sportin me politikën në këtë rast. /Telegrafi/

• Telegrafi
• 5 saat, 27 dakika

Prokuroria Themelore në Gjilan, në bashkëpunim me Policinë e Kosovës – Njësitin e trafikut në Gjilan, ka ndaluar një person për veprën penale “Rrezikimi i trafikut publik me veprime apo mjete të rrezikshme”. Sipas raportit të institucioneve, aksidenti ndodhi në aksin rrugor “Adem Jashari” në qendër të qytetit. I dyshuari me inicialet E.B., duke vozitur një veturë BMW me targa 06-530-GS, humbi kontrollin mbi automjetin teksa afrohej tek semaforët, duke kaluar jashtë rrugës në anën e djathtë. Si pasojë, ai goditi një pemë dekorative, më pas një këmbësor dhe përfundoi në oborrin e ish-shtëpisë së mallrave në Gjilan. Rasti është cilësuar sipas nenit 372 të Kodit Penal të Republikës së Kosovës, dhe prokurori ka vendosur ndalimin e E.B. për 48 orë. Vendimi për masën e sigurisë do të merret brenda afatit ligjor, në përputhje me dispozitat e Kodit të Procedurës Penale.

• Telegrafi
• 5 saat, 27 dakika

Armëpushimi i brishtë në Gazë është përballur me provën e parë kur Izraeli njoftoi se rrjedha e ndihmave humanitare në territorin e shkatërruar palestinez do të përgjysmohet dhe vendkalimi kufitar kyç në Rafah me Egjiptin nuk do të hapet siç ishte planifikuar, duke fajësuar “Hamasin” për vonesat në kthimin e trupave të pengjeve, raporton gazeta […] The post Gjermani: Dështon marrëveshja për shërbimin ushtarak appeared first on Raporto Korrupsionin! KALLXO.com .

• Kallxo
• 5 saat, 30 dakika

Policia e Kosovës ka njoftuar për statistikat e 24 orëve të fundit në fushën e sigurisë dhe trafikut rrugor. Gjatë kësaj periudhe janë regjistruar një aksident trafiku me fatalitet, 25 aksidente me të lënduar dhe 36 aksidente me dëme materiale, përcjell Telegrafi. Për shkelje të rregullave të trafikut, janë shqiptuar gjithsej 2,246 tiketa. Në të njëjtën kohë, 17 persona janë arrestuar, ndërsa 14 të tjerë janë mbajtur në paraburgim. Nuk është raportuar për persona në ndalim policor, ndërsa dy persona janë në vuajtje të dënimit. Policia e Kosovës apelon për kujdes dhe respektim të rregullave të trafikut në mënyrë që të shmangen aksidentet dhe pasojat fatale në rrugë. / Telegrafi /

• Telegrafi
• 5 saat, 30 dakika

Një granatë ofensive është konstatuar mëngjesin e kësaj të marte rreth orës 06:35 në Rrugën e Turizmit në qytetin e Kukësit. Qytetarët e alarmuar kanë njoftuar policinë. Në vendngjarje kanë mbërritur menjëherë shërbimet e Policisë që po kryejnë veprimet e para procedurale për sigurimin e vendit dhe vlerësimin e rrethanave. Një grup hetimor po punon për zbardhjen e plotë të ngjarjes dhe përcaktimin e origjinës së eksplozivit. Ende nuk ka detaje nga ngjarja. /Euronews/

• Telegrafi
• 5 saat, 31 dakika

Sot, më 15.10.2025, në Republikën e Kosovës do të qëndrojë për vizitë zyrtare presidentja e Komisionit Evropian, Ursula von der Leyen, ndërsa Policia njoftoi se për shkak të kësaj vizite do të ketë ndërprerje të përkohshme të qarkullimit të trafikut në disa segmente rrugore. Me këtë rast Policia e Kosovës, gjatë kësaj vizite, e cila realizohet në Republikën e Kosovës, do të kujdeset për ruajtjen e rendit dhe qetësisë publike gjatë kohës së lëvizjes së eskortës dhe kohës së qëndrimit të delegacionit në Kosovë. “Për të mundësuar qarkullim të lirë të eskortës sipas itinerarit të lëvizjes si dhe zhvillimin e aktiviteteve sipas agjendës, Policia e Kosovës do të bëjë ndërprerje të përkohshme të qarkullimit të trafikut (në intervale të shkurtra kohore) të disa segmenteve rrugore (ku pritet të kalojë eskorta), ku edhe mund të ketë riorientim të trafikut në rrugë alternative, andaj Policia kërkon mirëkuptim të plotë nga ana e qytetarëve dhe pjesëmarrësve në trafik”, thuhet në njoftim. /Telegrafi/

• Telegrafi
• 5 saat, 33 dakika

Trafiku në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar. Në pikat kufitare në anën e RMV-së, nuk ka vonesa më të gjata për hyrje dhe dalje nga vendi. LAMM rekomandon përshtatje të shpejtësisë, duke respektuar sinjalistikën e vendosur të trafikut dhe menaxhim të kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë - Veles, Mavrovë - Dibër - Strugë, Vinicë - Berovë dhe Koçan - Delçevë.

• Telegrafi
• 5 saat, 34 dakika

Burimi: The Telegraph Përkthimi: Telegrafi.com Pas më shumë se dy vjetëve në ankth dhe pasiguri, 20 pengjet izraelite, të mbajtura nga Hamasi, janë kthyer pranë familjeve të veta. Ky sukses diplomatik përbën një hap kyç drejt zbatimit të fazës së parë të planit të presidentit Donald Trump për armëpushim në Gazë. Po ashtu, duhet të shërbejë si nxitje për rikthimin e personave të zhdukur nga Ukraina. Që nga aneksimi i Krimesë nga Rusia në mars të vitit 2014, zhdukjet e detyruara janë bërë realitet tragjik në jetën e përditshme në Ukrainën lindore. Sipas një raporti të Departamentit Amerikan të Shtetit të vitit 2019, 12 banorë të Krimesë u zhdukën menjëherë pas pushtimit rus dhe më vonë u gjetën të vdekur. Autoritetet në Krime nuk i hetuan këto zhdukje dhe në vend të kësaj i etiketuan gabimisht si vetëvrasje. Kjo klimë mosndëshkimi dhe mashtrimi ia hapi rrugën abuzimeve edhe më të rënda. Shërbimi Federal i Sigurisë (FSB) kreu bastisje masive në shtëpitë e tatarëve të Krimesë, për të shtypur aktivizmin kundër Rusisë në gadishull. Ndërsa Marrëveshjet e Minskut II të vitit 2015 filluan të shpërbëheshin për shkak të agresionit të separatistëve pro-rusë, në Donjeck u rritën arrestimet arbitrare të personave të akuzuar si “spiunë ukrainas” dhe “terroristë”. Edhe pse Gjykata Ndërkombëtare Penale (GjNP) publikoi një raport në vitin 2019, që dënonte disa prej këtyre shkeljeve, Ukraina mori ndihmë të pamjaftueshme nga komuniteti ndërkombëtar. Nuk është për t’u habitur që pushtimi i plotë i Ukrainës nga Rusia e ka përkeqësuar më tej krizën e personave të zhdukur. Zyrtarët ukrainas pretendojnë se mbi 70 mijë persona janë zhdukur që nga fillimi i luftës në shkurt të vitit 2022. Nga këta, vetëm 12 mijë janë konfirmuar të vdekur, janë liruar në shkëmbime pengjesh ose janë identifikuar. Nga këta të zhdukur, të paktën 20 mijë janë fëmijë. Nën pretekstin e mbrojtjes së tyre nga zonat e luftës, ushtria ruse ka rrëmbyer sistematikisht një numër të madh të fëmijëve ukrainas. Sipas Laboratorit të Kërkimeve Humanitare të Shkollës së Shëndetit Publik në Jejl [Yale], 8 400 fëmijë ukrainas ndodhen aktualisht në rreth 60 institucione në Rusi dhe Bjellorusi. Këto institucione shërbejnë si porta për birësim nga prindër rusë dhe për përfshirje në programe “riedukimi” që synojnë zhdukjen e identitetit gjuhësor dhe kulturor ukrainas. Edhe pse për këto rrëmbime në vitin 2023 GjNP-ja lëshoi aktpadi ndaj presidentit Vladimir Putin dhe komisioneres për të Drejtat e Fëmijëve në Rusi, Maria Lvova-Belova, abuzimet kanë vazhduar pa u ndalur. Si shenjë përçmimi ndaj vendimit të GjNP-së, deputeti ultranacionalist i Dumës shtetërore, Sergey Mironov, adoptoi Margaritën - një vajzë dyvjeçare e rrëmbyer nga forcat ruse nga spitali rajonal i fëmijëve në Herson. Përmes publikimit të listave me jetimë ukrainas, Ministria e Arsimit e kontrolluar nga Rusia, në Luhansk ka institucionalizuar trafikimin e fëmijëve. Adoleshentët ukrainas po dërgohen gjithashtu në kampe për stërvitje ushtarake dhe rekrutohen për në vijën e frontit. Ndërsa abuzimet e Rusisë ndaj fëmijëve të zhdukur janë veçanërisht tronditëse, ato janë vetëm një pjesë e shkeljeve të shumta kundër personave të zhdukur. Shumica dërrmuese e robërve të luftës ukrainas mbahen në fshehtësi të plotë dhe familjet e tyre nuk dinë nëse janë gjallë apo të vdekur. Në këto qendra të izoluara, robërit ukrainas u nënshtrohen sistematikisht torturës dhe u mohohet trajtimi mjekësor për plagët që kanë. Ekzekutimet e menjëhershme - përmes metodave primitive, si prerja e kokës me shpatë - po bëhen gjithnjë e më të shpeshta. Për shkak të kufizimeve të qasjes për organizatat që mbrojnë të drejtat e njeriut dhe mungesës së informacionit të besueshëm, është shumë i vështirë kthimi i personave të zhdukur ukrainas gjatë kohës së luftës. Megjithatë, edhe në kushte të tilla janë shënuar disa përparime të rëndësishme. Emiratet e Bashkuara Arabe kanë ndërmjetësuar lirimin e rreth 5 000 robërve të luftës, ukrainas dhe rusë, përmes shkëmbimeve. Rreth 1 400 fëmijë ukrainas janë kthyer gjithashtu te prindërit e tyre. Ndërmjetësimi i Katarit dhe përpjekjet e rastësishme, si dialogu i Zonjës së Parë, Melania Trump, me Putinin, kanë qenë thelbësore në lehtësimin e këtyre kthimeve. Edhe pse këto zhvillime janë shpresëdhënëse, mbetet ende shumë për të bërë. Vendimi i ShBA-së në mars 2025, për të ndërprerë financimin shtetëror për Laboratorin Humanitar të Kërkimeve në Jejl - që ka identifikuar 30 mijë fëmijë ukrainas - është një gabim i rëndë. Po aq e dëmshme është edhe tërheqja e ShBA-së nga Qendra Ndërkombëtare për Ndjekjen Penale të Krimit të Agresionit kundër Ukrainës. Pasi këto degë ulliri ndaj Putinit nuk e kanë nxitur Rusinë drejt paqes, ShBA-ja duhet të rifillojë mbështetjen e plotë për këto iniciativa të rëndësishme dhe ta ngrejë çështjen e rikthimit të ukrainasve të zhdukur në agjendën e saj ndërkombëtare. Partnerët perëndimorë të Ukrainës duhet gjithashtu të forcojnë sanksionet kundër individëve dhe institucioneve ruse të përfshira në këto shkelje të rënda të të drejtave të njeriut. Vendimi i Britanisë, më 3 shtator, për të sanksionuar 11 shtetas dhe organizata ruse të përfshira në riedukimin e fëmijëve ukrainas, është një precedent për atë që duhet bërë. Marrëveshja e Trumpit për paqe në Gazë ishte një fitore për viktimat e zhdukjeve të dhunshme anembanë botës. Tani është koha që ai ta zgjerojë këtë sukses edhe në Ukrainë. /Telegrafi/

• Telegrafi
• 5 saat, 38 dakika

Policia e Kosovës ka bërë të ditur se ka një person është lënduar rëndë, pasi është sulmuar me mjet të mprehtë. Rasti ka ndodhur të hënën. “Prishtinë/13.10.2025 – 22:55. Është arrestuari dyshuari mashkull kosovar pasi që i njëjti pas një mosmarrëveshje dyshohet se ka sulmuar me mjet të mprehtë viktimën e mitur mashkull kosovar”, thuhet. Viktima është dërguar në QKUK. I dyshuari pas intervistimit me vendim të prokurorit është dërguar në mbajtje. /Telegrafi/

• Telegrafi
• 5 saat, 40 dakika

Një aksident me pasoja fatale është raportuar pasditen e së martës në fshatin Tupec të Prizrenit. Sipas njoftimit të Policisë, viktima – një mashkull kosovar që ishte raportuar më herët si i zhdukur – është gjetur pa shenja jete në vendin e ngjarjes, ku dyshohet se kishte pësuar aksident me motoçikletë, përcjell Telegrafi. "Është raportuar se viktima mashkull kosovar i cili ishte i raportuar i zhdukur, është gjetur në fshatin Tupec ku sipas vendit të ngjarjes dyshohet se ai ishte aksidentuar me motoçikletë dhe si pasojë ka mbetur i vdekur", thuhet në raport. Në vendngjarje kanë dalë njësitë përkatëse policore dhe ekipi mjekësor, i cili ka konstatuar vdekjen e tij. Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa hetimet për zbardhjen e plotë të rastit janë në vazhdim. / Telegrafi /

• Telegrafi
• 5 saat, 43 dakika

Sulmuesi i Barcelonës, Raphinha, ka treguar se ishte shumë afër largimit nga “Camp Nou” verën e kaluar, pasi mori një ofertë të majme nga Arabia Saudite, por vendosi të qëndrojë pas një bisede të rëndësishme me trajnerin Hansi Flick. Braziliani ka pranuar se ishte tunduar nga aspekti financiar i ofertës, duke e parë si mundësi për të siguruar të ardhmen e familjes, por trajneri gjerman arriti ta bindë të mos largohet. “Sigurisht që mendova të largohem. Mendova se ndoshta kishte ardhur koha ime për të ikur, por pastaj folëm me trajnerin — fillimisht në telefon dhe më pas në fillim të parasezonit dhe ai arriti të më bindte të qëndroja. Faleminderit Zotit që e bëri”, deklaroi Raphinha. “Oferta nga Arabia Saudite më bëri të hezitoj shumë. Do ta kisha zgjidhur jetën time, atë të prindërve të mi, djalit tim dhe shumë njerëzve përreth meje. Kam qenë në futboll që nga mosha 15-vjeçare, kam kaluar shumë, dhe erdhi një moment kur mendova se ishte koha të kujdesesha për familjen". Sezoni i kaluar ishte ndër më të mirët për sulmuesin, i cili u bë një prej faktorëve kryesorë në suksesin e Barcelonës drejt tripletës vendase, duke u shndërruar në një nga sulmuesit më të frikshëm të futbollit evropian. Megjithatë, fillimi i këtij sezoni ka qenë më i vështirë për 27-vjeçarin, që aktualisht po rikuperohet nga një dëmtim në kofshë dhe pritet të rikthehet në fushë në javët e ardhshme. /Telegrafi/

• Telegrafi
• 5 saat, 44 dakika

Policia e Kosovës ka arrestuar një person në Prishtinë për disa raste të mashtrimeve. Në raportin policor bëhet e ditur se me vendim të prokurorit i dyshuari pas intervistimit është dërguar në mbajtje. “Prishtinë /29.07.2025. Më datë 13.10.2025 është arrestuar i dyshuari mashkull kosovar pasi që i njëjti dyshohet se kishte kryer disa raste të mashtrimeve”, thuhet në raport. /Telegrafi/

• Telegrafi
• 5 saat, 44 dakika

Lionel Messi theu një tjetër rekord në fitoren shkatërruese të Argjentinës ndaj Porto Rikos me rezultat 6-0 në një ndeshje miqësore. Ylli i Inter Miamit dha dy asistime të shkëlqyera për Gonzalo Montiel dhe Lautaro Martinez për të arritur në kuotën e 60 asistimeve për Argjentinën. Me këto dy asistime, Messi lë pas Neymarin me 59 asistime në listën e asistuesve më të mirë të të gjitha kohërave në futbollin ndërkombëtar. ??♂️ Leo Messi reaches 60 assists with Argentina, most in international football history beating Neymar’s previous record at 59. Messi’s also 2 assists away from 400 career assists. pic.twitter.com/kCuMFxL4d6 — Fabrizio Romano (@FabrizioRomano) October 15, 2025 38-vjeçari është gjithashtu vetëm dy asistime larg arritjes së shifrës prej 400 asistimeve në karrierën e tij. Messi ka shënuar 114 gola për kombëtaren Albiceleste dhe është vetëm pas Cristiano Ronaldos (143 gola) në listën e golashënuesve më të mirë ndërkombëtarë të të gjitha kohërave. Fituesi i tetëfishtë i Topit të Artë ka grumbulluar 26 gola dhe 15 asistime për Inter Miamin në MLS këtë vit. /Telegrafi/ ????????: ????? ?????? ??? ?????? ?? ???? ????????????? ??????? ?? ??????? Assist 5️⃣9️⃣ and 6️⃣0️⃣ for Argentina — he’s now the all-time assist leader in international football! 6️⃣0️⃣ ?️ Lionel Messi 5️⃣9️⃣ ?️… pic.twitter.com/P1Su3ysGqa — 433 (@433) October 15, 2025

• Telegrafi
• 5 saat, 55 dakika

Mbeten edhe tre ditë deri në fillimin e heshtjes zgjedhore përpara zgjedhjeve lokale që do të mbahen më 19 tetor. Deri atëherë, partitë politike, koalicionet dhe kandidatët e pavarur do të vazhdojnë me prezantimin e programeve të tyre para qytetarëve dhe me promovimin e kandidatëve për kryetarë komunash. Edhe sot janë paralajmëruar tubime dhe takime të drejtpërdrejta me qytetarët në disa komuna të vendit. Koalicioni i udhëhequr nga OBRM-PDUKM do të zhvillojë tubime dhe takime në Probishtip, Makedonska Kamenicë, Pehçevë, Berovë dhe Dellçevë. Koalicioni i udhëhequr nga LSDM do të mbajë tubime në Qendrën e Zhupës, Dibër, Gostivar dhe Mavrovë-Rostushë. Ndërkohë, kandidati i pavarur për kryetar të komunës së Gostivarit, Visar Ademi, do të mbajë një konferencë për shtyp në orën 10:00, ku do të prezantojë platformën e tij “Pesë premtimet për Gostivarin”. Në kuadër të fushatës, Oda Ekonomike e Maqedonisë Veri-Perëndimore do të mbajë sot një takim me kandidatin e pavarur për kryetar të komunës së Strugës, Mendi Qyra. Si pjesë e traditës së saj, Oda zhvillon takime me partitë politike dhe kandidatët për të prezantuar Platformën për Zhvillim Ekonomik Lokal, me qëllim që të paraqesë qëndrimet dhe prioritetet e komunitetit afarist. Fushata zgjedhore përfundon zyrtarisht më 17 tetor në mesnatë, ndërsa më 18 tetor nis heshtja zgjedhore, që do të zgjasë deri në ditën e votimit, më 19 tetor.

• Telegrafi
• 5 saat, 57 dakika