Ազովի ծովում հինգ ադրբեջանցի է զոհվել

Անցած գիշեր անօդաչու թռչող սարքերը հարվածել են Ազովի ծովում նավարկող երկու բեռնատար նավերին, ինչի հետևանքով Ադրբեջանի հինգ քաղաքացի է զոհվել, ևս երեքը վիրավորվել են։ Այս մասին հաղորդում է Ադրբեջանի ԱԳՆ՝ վկայակոչելով Ռուսաստանի արտաքին քաղաքական գերատեսչության կողմից Բաքվին փոխանցված տվյալները։ «Հունիսի լույս 5-ի գիշերը «Նատրա» և «Ցիրկոն» նավերը ենթարկվել են անօդաչու թռչող սարքերի հարվածներին։ Այդ երկու նավերի անձնակազմերում Ադրբեջանի 25 քաղաքացի էր ընդգրկված, սակայն տրանսպորտային միջոցները Ադրբեջանի Հանրապետության սեփականություն չեն հանդիսանում»,- մանրամասնել է Ադրբեջանի ԱԳՆ պաշտոնական ներկայացուցիչ Այհան Հաջիզադեն։

Go to News Site

Google Play

App Store