Նախընտրական փուլում «Ուժեղ Հայաստանից» մոտ 700 հոգի է ձերբակալվել. Մելոյան

Ազատություն

Նախընտրական փուլում «Ուժեղ Հայաստանից» մոտ 700 հոգի է ձերբակալվել. Մելոյան

Նախընտրական փուլում «Ուժեղ Հայաստանից» մոտ 700 հոգի է ձերբակալվել, կալանավորվել, հայտնում է կուսակցության ներկայացուցիչ Գոհար Մելոյանը. «Այդ թվում տարեց կանանց, ովքեր եկել ու գրանցվել էին որպես «Ուժեղ Հայաստան» կուսակցության անդամ, առավոտյան մտնում են մարդկանց տուն, բերման ենթարկում՝ բացառապես ահաբեկելու նպատակով, տանում հարցաքննում, բաց թողնում»,- ասաց Մելոյանը, ընդգծելով, թե նպատակը «հատկապես գյուղական համայնքներում վախի մթնոլորտ ձևավորելն էր»: «Ուժեղ Հայաստանի» ներկայացուցիչը պնդեց, թե վարչական ռեսուրսի օգտագործման ահազանգեր են ստացել. «Պետական ծառայության տարբեր տեսակների նկատմամբ. մարդկանց ստիպել էին գնալ իշխանության օգտին քվեարկել, քվեաթերթիկը լուսանկարել, մեր քաղաքական ուժի քվեաթերթիկը դուրս բերել՝ ի ապացույց, որ տվյալ անձինք մեզ չեն քվեարկել»,- հայտարարեց «Ուժեղ Հայաստանի» ներկայացուցիչը: Իշխող ուժից ավելի վաղ հայտարարել էին, որ որևէ քաղաքական հետապնդման մասին խոսք լինել չի կարող, ձերբակալվում են նրանք, ովքեր անօրինականություններ են թույլ տվել։

Go to News Site

Google Play

App Store