SHAN News

ၵူၼ်းမိူင်းၼမ်ႉၶမ်း မၢတ်ႇၸဵပ်းလူႉတၢႆယွၼ်ႉ ႁူင်းၵဵပ်းယၢမ်းတႅၵ်ႇၽူင်ႉၼၼ်ႉ ပႆႇလႆႈလွင်ႈၵမ်ႉၸွႆႈ

ႁူင်းၵဵပ်းယၢမ်း ၶွင်ၸုမ်းသိုၵ်းလွႆ (တဢၢင်း) TNLA ဢၼ်တင်ႈဝႆႉၼႂ်းၵၢင်ဝၢၼ်ႈၵွင်းတပ်ႉ ၾၢႆႇဢွၵ်ႇၵၢင်ဝဵင်း ၼမ်ႉၶမ်း ၵိုင်ႉၵၢင်ႉတႅၵ်ႇၽူင်ႉ ႁၢဝ်ႈႁႅင်းမိူဝ်ႈႁၢင်လိူၼ်မေႊပူၼ်ႉမႃးၼႆႉ ႁဵတ်းႁႂ်ႈႁိူၼ်းယေး လူႉၵွႆၵႂႃႇမွၵ်ႈ 1000 လင်လႄႈ ၵူၼ်းမိူင်းၸိူဝ်း ယူႇၼႂ်းပိုၼ်ႉတီႈ လူႉတၢႆမၢတ်ႇၸဵပ်းၵႂႃႇၸွမ်း 100 ပၢႆ ပႆႇလႆႈတၢင်းၸွႆႈထႅမ်တႃႇပူၵ်းပွင်ၶိုၼ်းတီႈယူႇႁိူၼ်းယေး။ မိူဝ်ႈဝၼ်းတီႈ 31/5/2026 ယၢမ်းၵၢင်ဝၼ်း 12 မူင်းၶိုင်ႈ ႁူင်းၵဵပ်းယၢမ်း ၵိုင်ႉၵၢင်ႉတႅၵ်ႇ ႁိူၼ်း ယေး ၵူၼ်းမိူင်းၼႂ်းဝၢၼ်ႈၵွင်းတပ်ႉဝၢၼ်ႈလဵဝ်ၵူၺ်း လူႉၵွႆၵႂႃႇမွၵ်ႈ 400 လင်။ ႁိူၼ်းယေးႁိမ်းႁွမ်းဝၢၼ်ႈၵွင်းတပ်ႉဢိၵ်ႇ တၢင်ႇ ဝၢၼ်ႈၼႂ်းၸႄႈဝဵင်းၼမ်ႉၶမ်း လူႉၵွႆၵႂႃႇဢမ်ႇယွမ်း 200 လင် ။ ၼၢင်းယိင်းဢႃႇယု 40 ပၢႆ ၵေႃႉယူႇဝႆႉ ၼႂ်းဝဵင်းၼမ်ႉၶမ်း လၢတ်ႈၼႄတီႈၽူႈတွႆႇႁွၵ်ႈဝႃႈ “ၵွၼ်ႇမိူဝ်ႈႁူင်းယၢမ်း ပႆႇတႅၵ်ႇၼၼ်ႉ ၼင်လိၼ်မိူင်းသၼ်ႇ မိူၼ်ၼင်ႇဢိင်ႇသၼ်ႇၼၼ်ႉၵႂႃႇၵမ်းၼိုင်ႈ။ ယူႇတၢၼ်ႇတၢၼ်ႇမၼ်း ၵေႃႈ လႆႈငိၼ်းသဵင်တႅၵ်ႇမႃးႁႅင်းတေႉတေႉ။ ႁဵတ်းႁိုဝ်တႅၵ်ႇပဵၼ်ယွၼ်ႉသင်ၼႆၵေႃႈ တေႃႇထိုင်မိူဝ်ႈလဵဝ် ဢမ်ႇ […] The post ၵူၼ်းမိူင်းၼမ်ႉၶမ်း မၢတ်ႇၸဵပ်းလူႉတၢႆယွၼ်ႉ ႁူင်းၵဵပ်းယၢမ်းတႅၵ်ႇၽူင်ႉၼၼ်ႉ ပႆႇလႆႈလွင်ႈၵမ်ႉၸွႆႈ appeared first on SHAN News .