24KZ
Қарағанды облысы, Долинка кентінде кәмелетке толмаған бала электр тогынан қатты зақым алып, ауруханаға жеткізілді, деп хабарлайды «24KZ». Алдын ала мәлімет бойынша, бала 6000 вольт кернеуі бар электр беру желісінің металл тірегіне шығып кеткен. Соның салдарынан жасөспірім ауыр электр жарақатын алып, биіктіктен құлаған. Айта кетейік, аталған тірек балалар ойын алаңының маңында орналасқан. Оқиға орнына жедел жәрдем шақырылып, бала шұғыл түрде ауруханаға жеткізілген. Қазіргі уақытта ол жансақтау бөлімінде жатыр. Дәрігерлер науқастың жағдайын ауыр деп бағалап отыр. Бала жансақтау бөлімінде жатыр, оған барлық қажетті емдік шаралар көрсетілуде, — деп хабарлады Қарағанды облысы Денсаулық облыстық сақтау басқармасының баспасөз қыхметі. Тұрғындар электр беру желісі тірегінің балалар алаңына жақын орналасуына байланысты қауіпсіздік мәселесін көтеруде. Аталған дерек бойынша дене жарақаты тіркеліп, материалдар қылмыстық құқық бұзушылық белгілерін анықтау үшін Қарағанды облысы бойынша атомдық және энергетикалық қадағалау және бақылау комитетінің аумақтық департаментіне жолданды — деп хабарлады Қарағанды облысы Полиция департаментінің баспасөз қызметі. Құзырлы органдар оқиғаның барлық мән-жайын анықтап жатыр. «24KZ» Telegram-арнасына жазылыңыз
Go to News Site
