Kampuchea Thmey Daily
ទាហានអាមេរិកជាង៣០០រងរបួស រួមទាំំង១២នាក់ថ្មីនៅមូលដ្ឋានទ័ពអាកាសនៅអារ៉ាប៊ីសាអូឌីត
ទាហានអាមេរិកចំនួន១២នាក់បានរងរបួស ក្នុងនោះពីរនាក់រងរបួសធ្ងន់ធ្ងរ នៅក្នុងការវាយប្រហាររបស់យោធាអ៊ីរ៉ង់លើមូលដ្ឋានទ័ពអាកាស Prince Sultan ក្នុងប្រទេសអារ៉ាប៊ីសាអូឌីត។ នេះបើយោងតាមការចេញផ្សាយរបស់ទីភ្នាក់ងារព័ត៌មានរ៉យទ័រដែលដកស្រង់មន្ត្រីអាមេរិកម្នាក់។ ការចេញផ្សាយព័ត៌មានទាន់ហេតុការណ៍របស់រ៉យទ័រ មិនបានលម្អិតអំពីកកម្រិតនៃការខូចខាតលើមូលដ្ឋានទ័ពអាកាសដែលរងការវាយប្រហារនោះទេ និង ថាតើការវាយប្រហារនោះរងគ្រោះដោយសារតែការបាញ់ផ្លោងមីស៊ីល ឬក៏យន្តហោះគ្មានមនុស្សបើក (ដ្រូន) នោះដែរ។ ប៉ុន្តែតាមការចេញផ្សាយដោយ The Wall Street Journal មន្ត្រីបាននិយាយថា ការវាយប្រហារនេះក៏ពាក់ព័ន្ធនឹងយន្តហោះគ្មានមនុស្សបើក (ដ្រូន)។ ការវាយប្រហារនេះកើតឡើងក្នុងពេលមានការកើនឡើងជម្លោះនៅក្នុងតំបន់កាន់តែរីករាលដាលខ្លាំង ដោយបញ្ជាការកណ្តាលសហរដ្ឋអាមេរិក (US Central Command) បានរាយការណ៍ថា កងទ័ពអាមេរិកជាង ៣០០នាក់បានរងរបួសបន្ទាប់ពីសង្គ្រាមរយៈពេលបួនសប្តាហ៍ជាមួយអ៊ីរ៉ង់។ តាមការចុះផ្សាយរបស់ TRT World លោក Marco Rubio រដ្ឋមន្ត្រីការបរទេសបាននិយាយថា សង្គ្រាមអាចបន្តរយៈពេល «ពីរទៅបួនសប្តាហ៍ទៀត» ហើយការរារាំងអ៊ីរ៉ង់ពីការដាក់ពន្ធលើកប៉ាល់ដែលឆ្លងកាត់ច្រកសមុទ្រ Hormuz នឹងជាបញ្ហាប្រឈមសំខាន់ក្រោយសង្គ្រាម។ លោកបានពិពណ៌នាអំពីសកម្មភាពបែបនេះថា «ខុសច្បាប់» និង «គ្រោះថ្នាក់ដល់ពិភពលោក»។ ដោយឡែកពីគ្នា អ៊ីស្រាអែលបានធ្វើការវាយប្រហារជាទ្រង់ទ្រាយធំលើអ៊ីរ៉ង់ ក្នុងពេលដែលអ៊ីរ៉ង់កំពុងត្រូវបានគេជឿថា ស្ថិតនៅលើផ្លូវទៅរកការចរចាជាមួយសហរដ្ឋអាមេរិក ដោយមានប្រទេសប៉ាគីស្ថានជាអ្នកសម្របសម្រួល។ តាមសេចក្តីរាយការណ៍របស់រ៉យទ័រ ចំនួនអ្នកស្លាប់ និងរបួសចុងក្រោយរបស់ទាហានអាមេរិកនេះ បន្ថែមទៅលើសមាជិកយោធាអាមេរិកជាង៣០០នាក់ […] The post ទាហានអាមេរិកជាង៣០០រងរបួស រួមទាំំង១២នាក់ថ្មីនៅមូលដ្ឋានទ័ពអាកាសនៅអារ៉ាប៊ីសាអូឌីត appeared first on Kampuchea Thmey Daily .
Go to News Site