Telegrafi
Sulmuesi anësor i Dinamo Zagrebit, Arbër Hoxha është në bisedime të avancuara për t’u transferuar te skuadra e famshme polake Widzew Lodz. Sipas raportimeve , tashmë është arritur një marrëveshje paraprake me mes dy skuadrave lidhur me transferimin, si dhe janë dakorduar edhe kushtet e kontratës personale të lojtarit. Marrëveshja do të hyjë në fuqi vetëm nëse Widzew Lodz mbetet në Ekstraklasa (elita e futbollit polak), ndërsa do të anulohet në rast se skuadra bie nga liga. Hoxha, i cili numëron 22 paraqitje dhe dy gola me Kombëtaren e Shqipërisë, iu bashkua skuadrës kroate nga Slaven Belupo në dimrin e vitit 2024 dhe ka kontratë të vlefshme deri në vitin 2029. Në sezonin aktual 2025/2026 të SuperSport HNL, ai ka regjistruar gjashtë gola dhe tre asistime në 24 paraqitje. Sipas “Transfermarkt”, vlera e tij aktuale në treg është 2.5 milionë euro, kurse ka qenë i lidhur me transferimin te klube si Galatasaray, Fenerbahçe dhe Hull City./ Telegrafi/
Go to News Site