The Cambodia Daily
ប្រធានាធិបតីអាមេរិក លោក ដូណាល់ ត្រាំ និយាយកាលពីថ្ងៃព្រហស្បតិ៍ ទី២៦ ខែមីនា ឆ្នាំ២០២៦ ថា លោកបានសម្រេចផ្អាកការវាយប្រហារលើរោងចក្រថាមពលរបស់អ៊ីរ៉ង់ រយៈពេល ១០ថ្ងៃបន្ថែមទៀត គឺរហូតដល់ថ្ងៃទី៦ ខែមេសា ដោយអះអាងថាកិច្ចចរចាជាមួយអ៊ីរ៉ង់ កំពុងប្រព្រឹត្តទៅយ៉ាងល្អប្រសើរ។ តាមបណ្ដាញផ្សាយព័ត៌មាន Aljazeera សង្គ្រាមដែលអូសបន្លាយពេលជិត ៤សប្ដាហ៍មកនេះ បានរាលដាលនៅទូទាំងតំបន់មជ្ឈិមបូព៌ា ដោយសម្លាប់មនុស្សរាប់ពាន់នាក់ និងកំពុងបង្កផលប៉ះពាល់ធ្ងន់ធ្ងរដល់សេដ្ឋកិច្ចពិភពលោកជាមួយតម្លៃថាមពលឡើងថ្លៃ ដែលកំពុងបង្កការព្រួយបារម្ភពីការកើនឡើងអតិផរណាជាសកល។ ជាមួយគ្នានេះ លោក ត្រាំ ក៏បានលើកឡើងអំឡុងកិច្ចប្រជុំគណៈរដ្ឋមន្ត្រីនៅឯសេតវិមាន កាលពីថ្ងៃព្រហស្បតិ៍ថា អាមេរិកនឹងបង្កើនការវាយប្រហារលើអ៊ីរ៉ង់ ប្រសិនបើទីក្រុងតេហេរ៉ង់ មិនព្រមចុះកិច្ចព្រមព្រៀងបញ្ចប់សង្គ្រាម។ ក្រោយមក លោក ត្រាំ ក៏បានបង្ហោះសារមួយលើបណ្ដាញទំនាក់ទំនងសង្គម Truth Social ដោយបានប្រកាសពីការផ្អាកការវាយប្រហារលើរោងចក្រថាមពលអ៊ីរ៉ង់ រយៈពេល ១០ថ្ងៃបន្ថែមទៀត ពោលរហូតដល់ថ្ងៃទី៦ ខែមេសា ឆ្នាំ២០២៦។ បើតាមលោក ត្រាំ កិច្ចចរចាជាមួយអ៊ីរ៉ង់ កំពុងប្រព្រឹត្តទៅយ៉ាងល្អ។ លោក ត្រាំ សង្ឃឹមថាអ៊ីរ៉ង់ នឹងព្រមតាមសំណើ ១៥ចំណុចរបស់សហរដ្ឋអាមេរិក តែភាគីអ៊ីរ៉ង់ នៅតែអះអាងថាមិនបានចូលរួមក្នុងកិច្ចចរចាជាមួយអាមេរិកនោះទេ […] The post លោក ដូណាល់ ត្រាំ ពន្យារពេលវាយប្រហារលើរោងចក្រថាមពលរបស់អ៊ីរ៉ង់ រហូតដល់ថ្ងៃទី៦ មេសា appeared first on The Cambodia Daily Khmer .
Go to News Site