ایران کے خارگ جزیرے پر بہت آسانی سے قبضہ کر سکتے ہیں: ٹرمپ

ایران کے خلاف امریکہ اور اسرائیل کی جنگ کا آج 31 واں دن ہے۔ امریکہ نے اسے ’آپریشن ایپک فیوری‘ جبکہ ایران نے جوابی کارروائی کو ’وعدہ صادق 4‘ کا نام دیا ہے۔ اس جنگ کی تازہ ترین اپ ڈیٹس۔ صبح سات بج کر 30 منٹ ایران کے خارگ جزیرے پر ’بہت آسانی سے‘ قبضہ کر سکتے ہیں: ٹرمپ امریکی صدر ڈونلڈ ٹرمپ نے اتوار کو فائننشل ٹائمز کو دیے گئے انٹرویو میں کہا کہ وہ ایران کے خارگ جزیرے کو ’بہت آسانی سے‘ لے سکتے ہیں۔ ایران کے مغربی ساحل کے قریب واقع یہ جزیرہ ملک کے لیے ایک اہم تیل ٹرمینل ہے اور پینٹاگون کی زمینی کارروائیوں کے لیے نظریں اسی جزیرے پر ہیں، حالانکہ امریکہ نے اصرار کیا ہے کہ وہ مکمل فوجی حملے سے گریز کرے گا۔ جب ٹرمپ سے جزیرے پر ایرانی دفاع کے بارے میں پوچھا گیا تو انہوں نے کہا ’مجھے نہیں لگتا ان کے پاس کوئی دفاع ہے۔ ہم اسے بہت آسانی سے لے سکتے ہیں۔‘ اے ایف پی صبح سات بج کر 10 منٹ مشرقی صوبے کی جانب داغے گئے 5 میزائل روک لیے: سعودی عرب سعودی عرب کی وزارت دفاع نے کہا کہ اس کی فورسز نے مملکت کے مشرقی صوبے کی جانب داغے گئے پانچ بیلسٹک میزائلوں کا سراغ لگا کر انہیں روک لیا۔ ایکس پر پوسٹ کیے گئے مختصر بیان میں یہ وضاحت نہیں کی گئی کہ میزائل کہاں سے داغے گئے تھے۔ فروری کے آخر میں امریکہ اور اسرائیل کی ایران کے خلاف جنگ شروع ہونے کے بعد سے ایران نے سعودی عرب اور دیگر خلیجی ممالک کو باقاعدگی سے میزائل اور ڈرون حملوں کا نشانہ بنایا ہے۔ صبح چھ بج کر 45 منٹ ایران کا کویت کے بجلی گھر پر حملہ کویت کی وزارت بجلی نے پیر کو بتایا کہ کویت میں ایک بجلی گھر پر ایرانی حملے میں ایک انڈین ملازم مارا گیا جبکہ ایک عمارت کو بھی نقصان پہنچا۔ اے ایف پی صبح چھ بج 15 منٹ اسرائیل کا دفاعی اخراجات میں اضافہ اسرائیلی پارلیمنٹ نے پیر کی صبح 2026 کا بجٹ منظور کیا، جس میں تقریباً 10 ارب ڈالر کے اضافی فوجی اخراجات شامل ہیں۔ اس سے ملک کا مجموعی دفاعی بجٹ تقریباً 45 ارب ڈالر ہو گیا۔ اے ایف پی صبح چھ بجے ایران میں بجلی کی بندشیں ایران کی وزارت توانائی نے کہا ہے کہ تہران میں بجلی کی بندشیں رپورٹ ہوئی ہیں، جن کی وجہ وہ ’بجلی کی تنصیبات پر حملوں‘ کو قرار دیتی ہے۔ 28 مارچ، 2026 کو تہران میں ایک کار سروس سینٹر میزائل حملے میں تباہ ہو گیا (اے ایف پی) ادھر اسرائیلی فوج نے اتوار کی شب کہا کہ اس نے ایران کے دارالحکومت تہران میں متعدد اہداف پر نئے حملے کیے ہیں۔ ایران اسرائیل امریکہ صدر ڈونلڈ ٹرمپ ایران اسرائیل کشیدگی امریکی صدر نے انٹرویو میں کہا کہ وہ ایران کے خارگ جزیرے کو ’بہت آسانی سے‘ لے سکتے ہیں۔ انڈپینڈنٹ اردو سوموار, مارچ 30, 2026 - 07:30 Main image:

صدر ڈونلڈ ٹرمپ 29 مارچ، 2026 کو فلوریڈا کے پام بیچ انٹرنیشنل ایئرپورٹ پر ایئر فورس ون پر سوار ہو رہے ہیں (اے ایف پی)

دنیا type: news label: لائیو اپ ڈیٹس related nodes: ایران، امریکہ کو مذاکرات کی سہولت کاری میں پاکستان پر اعتماد ہے: اسحاق ڈار امریکہ آبنائے ہرمز کھلوانے کے لیے فوجی طاقت کیوں استعمال نہیں کر رہا؟ 4 بڑی وجوہات ٹرمپ کی گھبراہٹ بجا ہے ’اعلیٰ ترین ایرانی شخصیت‘: ٹرمپ کس سے رابطے میں ہیں؟ SEO Title: ایران کے خارگ جزیرے پر بہت آسانی سے قبضہ کر سکتے ہیں: ٹرمپ copyright: show related homepage: Show on Homepage

Go to News Site