Fréttastofa RÚV
Forsætisráðherra Ástralíu, Anthony Albanese, tilkynnti í dag að stjórnvöld hafi ákveðið að lækka eldsneytisskatta um helming til þriggja mánaða. Þessi ákvörðun kemur til vegna mikillar hækkunar á eldsneyti og dísil undanfarið vegna stríðsátakanna í Mið-Austurlöndum. Með því að lækka eldsneytisskatta um 50% vonast ríkisstjórnin til að létta á útgjöldum heimilanna. Þá verður kostnaður einnig lækkaður á vörubíla með því að lækka veggjöld á þungaflutningabíla. Stjórnvöld gefa vikulega út upplýsingar um stöðuna á eldsneytisforða landsins. Birgðir af bensíni eru sagðar endast í 39 daga og birgðir af dísil til 30 daga. Víða er gripið til sértækra aðgerða til að spara eldsneyti. Í Viktoríufylki og Tasmaníu hafa almenningssamgöngur verið gerðar gjaldfrjálsar. Albanese hefur auk þess hvatt alla vegfarendur til að keyra minna, sér í lagi í borgum. Fylkis-forsætisráðherra Nýja Suður-Wales, Chris Minns, segir að fjölmargar bensínstöðvar í fylkinu séu tómar og áherslan sé á að aðstoða bæi í dreifbýli.
Go to News Site