ၵၢၼ်မႄႈဝၢၼ်ႈၼႆႉ ၸၢင်ႈၺႃးၵိၼ်ၸိၵ်းတွၵ်ႇၸွၵ်းလိူဝ်သေၵၢၼ်တၢင်ႇသႅၼ်း

ဢိင်ၼိူဝ် ၵၢၼ်ႁႃၵိၼ်လဵင်ႉတွင်ႉယၢပ်ႇၽိုတ်ႇသေ ၵူၼ်းမိူင်းတႆးၵမ်ႈၼမ် ၶဝ်ႈႁႃႁဵတ်းၵၢၼ်ၼႂ်းမိူင်းထႆး ။ ႁႅင်းၵၢၼ်ၼႂ်းမိူင်းထႆး မီးၼမ်လႄႈ ၾၢႆႇတူၺ်းလူလွမ်ႁႅင်းၵၢၼ် တုၵ်းယွၼ်းႁႂ်ႈလူင်ပွင်ၸိုင်ႈထႆး ဢွၵ်ႇပိူင်ႁႄႉၵင်ႈပၼ်ႁႅင်းၵၢၼ်ၵူႈသႅၼ်းထၢၼ်ႈ ။ ၵူၺ်းၵႃႈ ႁႅင်းၵၢၼ်ၸိူဝ်း ဢမ်ႇပႆႇလႆႈႁပ်ႉ လွင်ႈၵႅတ်ႇၶႄတူၺ်းထိုင်မီးထႅင်ႈၼမ် ။ ဢိင်ၼိူဝ် ၵၢၼ်ဝၢၼ်ႈၵၢၼ်မိူင်းဢမ်ႇလီသေ ပိူင်တႃႇတူၺ်းထိုင်ႁႅင်းၵၢၼ်မိူင်းထႆး မီးဝႆႉယူႇသေတႃႉ ဢမ်ႇႁူမ်ႇငမ်းလႆႈႁႅင်းၵၢၼ်တင်းသဵင်ႈလႆႈ ။ ဢၼ်ႁၢင်ႈႁၢႆႉၵေႃႈ ၵူၼ်းၸိူဝ်းႁဵတ်းၵၢၼ်ၸွမ်းပေႃႈလဵင်ႉၼၢႆးၸၢင်ႈသုၼ်ႇတူဝ် ဢမ်ႇၼၼ် ဢၼ်ႁဵတ်းၵၢၼ် ဢမ်ႇၶႂ်ႈဢွၵ်ႇၸိုဝ်ႈဢွၵ်ႇသဵင်သေႁဵတ်းၵၢၼ်ၸိူဝ်းၼၼ်ႉ ၸၢင်ႈၺႃးၵိၼ်ၸိၵ်းတွၵ်ႇၸွၵ်းၼမ် ။ ႁႅင်းၵၢၼ်ယၢၼ်မိူင်းၼႆႉ ၵမ်ႈၼမ် လႆႈႁဵတ်းၵၢၼ်ၼၵ်းၵၢၼ်ၼႃ ၸဵမ်ဢဝ် ၵၢၼ်ၵေႃႇသၢင်ႈ ၵၢၼ်ၽုၵ်ႇသွမ်ႈ လဵင်ႉသတ်း လႄႈ ပႃးၸဵမ်ၵၢၼ်မႄႈဝၢၼ်ႈပေႃႈဝၢၼ်ႈ ဢၼ်ပတ်းၽဵဝ်ႈႁဵတ်းလွင်ႈမူတ်းသႂ်ၼႂ်းႁူင်းၵၢၼ်လၢႆသႅၼ်းလႄႈ ႁိူၼ်းယေးပေႃႈလဵင်ႉၼၢႆးၸၢင်ႈၸိူဝ်းၼႆႉ ။ ပေႃးပဵၼ်ၵူၼ်းႁဵတ်းၵၢၼ် ၼႂ်းႁူင်းၵၢၼ် ၼႂ်းၶွမ်ႊပၼီႊ ၸိူဝ်းၼႆႉတႄႉ လႆႈႁဵတ်းၸွမ်းၵၼ်လၢႆၵေႃႉလႄႈ သင်ဝႃႈ ပေႃႈလဵင်ႉၼၢႆးၸၢင်ႈ ဢမ်ႇမီးလွင်ႈပူင်ႇသႂ်မႃး သင်ဢမ်ႇၸၢႆႇပၼ်ၵႃႈႁႅင်းတဵမ်ထူၼ်ႈမႃးၼႆ ၸၢင်ႈလႆႈဢွၵ်ႇသဵင်ၸွမ်းၵၼ်ပဵၼ်မူႇပဵၼ်ၸုမ်း ။ၵူၺ်းၵႃႈ ၵူၼ်းၸိူဝ်းႁဵတ်းၵၢၼ်မႄႈဝၢၼ်ႈပေႃႈဝၢၼ်ႈ ၵူၼ်းၸိူဝ်းႁဵတ်းၵၢၼ်ၸွမ်းပေႃႈလဵင်ႉၼၢႆးၸၢင်ႈ တီႈႁိူၼ်းတီႈယေး […] The post ၵၢၼ်မႄႈဝၢၼ်ႈၼႆႉ ၸၢင်ႈၺႃးၵိၼ်ၸိၵ်းတွၵ်ႇၸွၵ်းလိူဝ်သေၵၢၼ်တၢင်ႇသႅၼ်း appeared first on SHAN News .

Go to News Site