Kajgana
Нов план за наплата за премин низ Ормутскиот Теснец: Забраната останува за американските и израелските бродови Александра Спасеска 31.03.2026 / 10:44 Свет Иранскиот парламентарен комитет за безбедност одобри план за регулирање и наметнување такси за бродовите што минуваат низ Ормускиот теснец, стратешки воден пат низ кој минуваат околу една петтина од светските резерви на нафта, изјави член на комитетот. Планот на комитетот има за цел да ја спроведе „суверената улога на Иран и неговите вооружени сили“, објави во понеделник државната новинска агенција на Исламската Република Иран (IRIB). Планот содржи неколку клучни елементи насочени кон зајакнување на контролата и надзорот на Иран врз теснецот, вклучувајќи „безбедносни мерки за заштита на водниот пат, мерки за обезбедување на безбедноста на поморскиот сообраќај и финансиски регулативи и такси во ријали за бродовите што минуваат, како и забрана за премин за бродови што им припаѓаат на Соединетите Американски Држави и Израел“, соопшти IRIB. Ормутскиот Теснец во моментов е главната жаришна точка во тековниот конфликт што започна на 28 февруари кога Соединетите Американски Држави и Израел заеднички го нападнаа Иран. Затворањето на теснецот од страна на Иран, преку закани и напади врз бродовите, доведе до запирање на протокот на приближно 15 милиони барели сирова нафта дневно во Персискиот Залив, предизвикувајќи голема нестабилност на глобалните пазари на нафта. Кувајски танкер за нафта што превезуваше околу два милиони барели беше погоден во текот на ноќта во понеделникот. Портпаролката на Белата куќа, Каролин Ливит, изјави дека отворањето на Ормутскиот Теснец не е една од воените цели на војната, а Wall Street Journal објави дека Доналд Трамп им го кажал тоа на своите помошници. Иран Ормутски Теснец Автор/Извор А.С. Прикажи во метро On
Go to News Site