පාස්කු ප්‍රහාරය ගැන පොත් නිකුත් කරාවි,සම්මන්ත්‍රණ තියාවි,ඒ කියන්නේ පරික්ෂණ හරි පාරේ – ඇමති නලින්ද ජයතිස්ස

පාස්කු ප්‍රහාරය පිළිබඳ විමර්ශන නිවැරදි දිශානතියකට ගමන් කරන විට ඇතැම් පුද්ගලයන් සහ කණ්ඩායම් කලබල වීම පුදුමයට කරුණක් නොවන බව රජයේ මාධ්‍ය ප්‍රකාශක, අමාත්‍ය වෛද්‍ය නලින්ද ජයතිස්ස මහතා පවසයි. ඊයේ (31) පැවැති කැබිනට් තීරණ දැනුම් දීමේ මාධ්‍ය හමුවේදී අමාත්‍යවරයා මේ බව සඳහන් කළේය. පාස්කු ප්‍රහාරය පිළිබඳ පරීක්ෂණ නිවැරදිව සිදුවන බවට හොඳම සාක්ෂිය වන්නේ ඇතැම් පාර්ශව කලබල වී විවිධ ප්‍රකාශ නිකුත් කිරීම සහ පොත්පත් ප්‍රකාශයට පත් කිරීම බව ඔහු පෙන්වා දුන්නේය. සී.අයි.ඩී (C.I.D) ආයතනය පවා සොයා නොගත් තොරතුරක් කිසිවකු සතුව පවතී නම්, නීතිගරුක පුරවැසියෙකු ලෙස කළ යුත්තේ එම තොරතුරු අදාළ විමර්ශන අංශ වෙත ලබා දීම බව අමාත්‍යවරයා අවධාරණය කළේය. මේ පුවත තව අයට බලන්න Facebook එකට Share කරන්න WhatsApp එකට Share කරන්න

Go to News Site