လုမ်းသၽႃးမိူင်းႁူမ်ႈတုမ် တေၶတ်းလိူၵ်ႈၸွမ်ၸိုင်ႈၵေႃႉမႂ်ႇ မိူဝ်ႈၽုၵ်ႈ

ၵႅမ်ၸွမ်ၸိုင်ႈ သၢမ်ၵေႃႉ ဢၼ်ထုၵ်ႇမၵ်းမၼ်ႈဝႆႉမႂ်ႇမႂ်ႇ ဝၢႆးလင်ပၢင်လိူၵ်ႈတင်ႈယဝ်ႉၼၼ်ႉ လုမ်းသၽႃးမိူင်း ႁူမ်ႈတုမ် တေၶတ်းလိူၵ်ႈပဵၼ်ၸွမ်ၸိုင်ႈၵႂႃႇ ၵေႃႉၼိုင်ႈ ၼႂ်းဝၼ်းမိူဝ်ႈ ၽုၵ်ႈ လိူၼ်ဢေႊပရႄႇ ဝၼ်းတီႈ 3 ၵႂႃႇ ၼႆယဝ်ႉ။ ဢူးဢွင်ႇလိၼ်းတူၺ်း ၽူႈမီးၸၼ်ႉသိုၵ်းမၢၼ်ႈၵေႃႉၵဝ်ႇ ယၢမ်းလဵဝ် ႁပ်ႉပဵၼ်ၼႃႇယၵ လုမ်းသၽႃးမိူင်းႁူမ်ႈတုမ် ပိုၼ်ၽၢဝ်ႇလၢတ်ႈၵႂႃႇဝႃႈ “မိူဝ်ႈၽုၵ်ႈ ဝၼ်းတီႈ 3 ၼႆႉ တေၶတ်းလိူၵ်ႈ ၵႅမ်ၸွမ်ၸိုင်ႈ သၢမ်ၵေႃႉ ဢၼ်လုၵ်ႉတီႈ လုမ်းတႅၼ်းၽွင်းၵူၼ်းမိူင်း လႄႈ လုမ်းတႅၼ်းၽွင်းၸိူဝ်ႉၸၢတ်ႈ တင်း တူဝ်တႅၼ်းတပ်ႉသိုၵ်းၶဝ် မၵ်းမၼ်ႈဝႆႉၼၼ်ႉ ပဵၼ်ၸွမ်ၸိုင်ႈ ၵႂႃႇ ၵေႃႉၼိုင်ႈ” ၼႆယဝ်ႉ။ ၵႅမ်ၸွမ်ၸိုင်ႈမႂ်ႇ သၢမ်ၵေႃႉၼၼ်ႉတႄႉ ပဵၼ်ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ဢၼ်လုၵ်ႉတီႈ သၽႃးၵူၼ်းမိူင်း ၶိုၼ်ႈမႃး၊ တေႃႇၼၼ်းၼီႇၼီႇဢေး လုၵ်ႉတီႈၸုမ်းတူဝ်တႅၼ်းတပ်ႉသိုၵ်းမၢၼ်ႈယုၵ်ႉတၢင်ႇၶိုၼ်ႈမႃး လႄႈ ဢူးၺူဝ်ႇၸေႃး ၸွမ်ၽွင်းလူင် ၶွမ်ႊမသျိၼ်ႊသိုၵ်းမၢၼ်ႈ ဢၼ်လုမ်းသၽႃးၸိူဝ်ႉၸၢတ်ႈ ယုၵ်ႉတၢင်ႇၶိုၼ်ႈမႃးၼၼ်ႉ ၼႆယဝ်ႉ။ […] The post လုမ်းသၽႃးမိူင်းႁူမ်ႈတုမ် တေၶတ်းလိူၵ်ႈၸွမ်ၸိုင်ႈၵေႃႉမႂ်ႇ မိူဝ်ႈၽုၵ်ႈ appeared first on SHAN News .

Go to News Site