Kajgana
Чеферин ги дотепа Аѕурите: Може да ја изгубат организацијата на ЕУРО 2032 Филип Здравески 02.04.2026 / 13:24 Фудбал Претседателот на УЕФА, Александер Чеферин, присуствуваше на натпреварот во Зеница каде што репрезентацијата на Босна и Херцеговина ја победи Италија по изведувањето на пенали и обезбеди пласман на Светското првенство 2026. Габриеле Гравина (лево) со Александер Чеферин и Џиџи Буфон при добивањето на организацијата на ЕУРО 2032 Италија, четирикратниот светски шампион, трет пат по ред ќе го пропушти најголемиот фудбалски турнир во светот. Последниот пат кога учествуваа на Светското првенство беше во 2014 година, кога го освоија разочарувачкото 22. место откако испаднаа во групната фаза. По натпреварот Чеферин даде интервју за италијанскиот весник La Gazzetta dello Sport и опширно зборуваше за случувањата. На прашањето дали елиминацијата на Италија го изненадила, Чеферин одговори: „Делумно да, но БиХ има млад, силен и мотивиран тим и играа дома. Притисокот беше многу поголем врз Италија, а исклучувањето на еден играч го промени текот на натпреварот. Босна и Херцеговина заслужи да се квалификува на Светското првенство.“ Италијанците инсистираат дека вината е кај претседателот на Италијанската фудбалска федерација (ФИГЦ), а Чеферин се потсети на своите искуства од Словенија. „Кога бев претседател на Словенечката фудбалска федерација, секогаш му велев на селекторот: 'Ако победите, вие и играчите сте херои. Ако изгубите, одговорноста е наша.' Не би ги нападнал ниту играчите, ниту селекторот, ниту претседателот Гарвина. Можеби италијанските политичари треба да се запрашаат зошто Италија има една од најлошите фудбалски инфраструктури во Европа.“ Чеферин, исто така, ги критикуваше политичките реакции по елиминацијата. „Тажно е што некои луѓе чекаат грешка и веднаш почнуваат да критикуваат. Тие не ја поддржуваат Италија, туку себеси. Фудбалот е таков, дури и со најдобрите играчи на теренот, еден лош натпревар може сè да промени.“ Коментирајќи ја евентуалната смена на Гравина, Чеферин истакна: „Габриеле е мојот прв потпретседател и тој е многу важен за мене. Најголемата загуба би била за Италијанската фудбалска федерација. Тешко е да се најде некој што толку многу го сака фудбалот и Италија. Но, не сум наивен да очекувам егоцентричните поединци да размислуваат за интересите на фудбалот.“ На прашањето за Европското првенство во 2032 година, кое е предвидено да се одржи во Турција и Италија, Чеферин истакна: „Турнирот е планиран и ќе се одржи, но инфраструктурата мора да биде подготвена. Ако не биде, Италија нема да биде домаќин.“ Конечно, Чеферин коментираше за состојбата на италијанскиот фудбал: „Италија е една од најголемите фудбалски нации и ќе се врати на врвот. Најголемиот проблем е лошиот однос помеѓу фудбалската политика и нормалната политика. Кога тие ќе се усогласат, Италија може повторно да стане европски и светски шампион. Ако негативните луѓе продолжат вака, работите ќе продолжат да одат на лошо“, заклучи претседателот на УЕФА. Ceferin: “Non è assolutamente responsabilità di Gravina l’eliminazione per mano della Bosnia e non mi permetterei di attaccare né i giocatori né l’allenatore. Forse sono i politici italiani che dovrebbero chiedersi perché l’Italia ha una delle peggiori infrastrutture calcistiche… pic.twitter.com/ekxp5yKlRW — Guido Olivares (@Guidolino8) April 1, 2026 Италија фудбал Александер Чеферин Автор/Извор Ф.З. Прикажи во метро On
Go to News Site