Kajgana
Трамп: Најголемиот мост во Иран е урнат, следува уште многу Филип Здравески 02.04.2026 / 19:45 Свет Американскиот претседател Доналд Трамп објави на својата социјална мрежа Truth Social снимка за која тврди дека го прикажува уривањето на најголемиот мост во Иран во напад, повторно повикувајќи Техеран да постигне договор пред да биде предоцна. „Најголемиот мост во Иран се урива и повеќе никогаш нема да се користи. Следува уште многу! ВРЕМЕ Е ИРАН ДА ПОСТИГНЕ ДОГОВОР ПРЕД ДА БИДЕ ПРЕДОЦНА И ПРЕД ОД ОНА ШТО СÈ УШТЕ МОЖЕШЕ ДА СТАНЕ ГОЛЕМА ЗЕМЈА ДА НЕ ОСТАНЕ НИШТО!“, напиша Трамп. Највисокиот мост на Блискиот Исток беше делумно уништен во воздушен напад неколку часа откако Доналд Трамп се закани дека ќе го бомбардира Иран додека не се врати „назад во камено време“. Мостот Б1 во Караџ, кој сè уште беше во изградба, требаше да биде дел од голем автопат што го поврзува регионот со Техеран, иранската престолнина. Двајца луѓе беа убиени, а неколку беа повредени во нападот врз структурата висока 136 метри, објавија иранските државни медиуми. САД Иран Автор/Извор Макфакс Прикажи во метро Off
Go to News Site