امریکی فوج کے چیف آف سٹاف ریٹائرڈ، ایران پر مزید حملے

یران کے خلاف امریکہ اور اسرائیل کی جنگ کا آج 35 واں دن ہے۔ امریکہ نے اسے ’آپریشن ایپک فیوری‘ جبکہ ایران نے جوابی کارروائی کو ’وعدہ صادق 4‘ کا نام دیا ہے۔ اس جنگ کی تازہ ترین اپ ڈیٹس۔ صبح 7 بج کر 45 منٹ سلامتی کونسل: آبنائے ہرمز کھلوانے کے لیے ’دفاعی‘ طاقت کے استعمال پر ووٹنگ آج اقوام متحدہ کی سلامتی کونسل جمعہ تین اپریل کو بحرین کی جانب سے پیش کی گئی قرارداد کے مسودے پر ووٹنگ کرائے گی جس کا مقصد آبنائے ہرمز میں بحری جہازوں کو ایرانی حملوں سے بچانے کے لیے ’دفاعی‘ طاقت کے استعمال کی اجازت دینا ہے۔ اے ایف پی کے مطابق امریکا اور اسرائیل کے حملوں کے جواب میں ایران نے اہم سمندری راستے پر ایسی سخت گرفت قائم کر لی ہے کہ وہاں سے جہازوں کا گزرنا مشکل ہو گیا ہے۔ اس وجہ سے تیل اور ایندھن کی سپلائی متاثر ہونے کا خطرہ پیدا ہو گیا، اور دنیا کی معیشت میں بے چینی اور ہلچل مچ گئی۔ اقوام متحدہ میں بحرین کے سفیر جمال الرویعی نے اس ہفتے کہا، ’ہم اپنے خطے اور دنیا کو متاثر کرنے والی معاشی دہشت گردی کو قبول نہیں کر سکتے، پوری دنیا ان حالات سے متاثر ہو رہی ہے۔‘ انہوں نے کہا کہ قرارداد کا متن جو کئی ترامیم کے مراحل سے گزرا ہے اور جسے امریکہ کی حمایت حاصل ہے، ’ایک نازک موڑ پر سامنے آیا ہے۔‘ صبح 7 بج کر 30 منٹ ایران کے مشرق وسطیٰ میں امریکہ سے جڑی تنصیبات اور شہری ڈھانچے پر حملے ایران اور اس کے اتحادیوں کا اسرائیل اور امریکہ کے ساتھ حملوں کا تبادلہ ہوا ہے جب کہ ایران نے مشرق وسطیٰ میں امریکہ سے جڑی تنصیبات کے ساتھ ساتھ شہری ڈھانچے کو بھی نشانہ بنایا اور ایک ماہ سے جاری جنگ میں جمعے کو بھی تھمنے کے بہت کم آثار دکھائی دیے ہیں۔ بڑھتے ہوئے حملوں کا رخ اب معاشی اور صنعتی مقامات کی طرف ہو گیا ہے، جس سے یہ خدشات بڑھ گئے ہیں کہ دنیا بھر میں توانائی کی سپلائی زیادہ متاثر ہو سکتی ہے اور جنگ کے اثرات میدان جنگ سے باہر بھی مزید گہرے ہو سکتے ہیں۔ ایران نے کہا ہے کہ اس کے تازہ حملوں کی لہر میں متحدہ عرب امارات، بحرین اور اسرائیل میں اہداف کو نشانہ بنایا گیا، اور یہ اس کی صنعتی تنصیبات پر پہلے ہونے والے امریکی اور اسرائیلی حملوں کا جواب تھا۔ ایران کے مطابق ان اہداف میں ’ابو ظبی میں امریکی سٹیل صنعتیں، بحرین میں امریکی ایلومینیم صنعتیں، اور صہیونی حکومت کی رفائیل اسلحہ فیکٹریاں‘ شامل تھیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اسرائیلی فوج نے جمعے کو خبردار کیا کہ ایران سے داغے گئے میزائلوں کو گرانے کے لیے اس کا فضائی دفاعی نظام کام کر رہا ہے۔ اس سے پہلے تہران کے علاقے میں نئے دھماکوں کی اطلاعات آئی تھیں، جب کہ ایرانی سرکاری ٹی وی نے بتایا کہ امریکہ اور اسرائیل کے حملوں میں شمالی شہر کرج میں ایک پل کو دو بار نشانہ بنایا گیا، پہلی بار حملے میں عام شہری متاثر ہوئے اور دوسری بار اس وقت حملہ کیا گیا جب امدادی ٹیمیں وہاں پہنچ چکی تھیں۔ پل پر حملے میں ہونے والی اموات کی تعداد آٹھ ہو گئی ہے۔ امریکی صدر ڈونلڈ ٹرمپ، جنہوں نے بدھ کو ایران کو ’پتھر کے دور میں واپس بھیجنے‘ کی دھمکی دی تھی، اپنی سخت زبان برقرار رکھے ہوئے ہیں۔ انہوں نے سوشل میڈیا پر لکھا کہ وہ پُل ’گر کر تباہ ہو گیا‘ اور یہ عزم بھی کیا کہ ’ابھی بہت کچھ اور ہونا ہے۔‘ ادھر یمن کے حوثیوں نے کہا کہ انہوں نے اسرائیل پر چوتھا حملہ کیا ہے اور تل ابیب کے علاقے میں اہداف پر ’بیلسٹک میزائلوں کی بوچھاڑ‘ کی ہے۔ صبح 7 بج کر 15 منٹ امریکی محکمہ دفاع نے فوج کے چیف آف سٹاف جنرل رینڈی جارج کی ریٹائرمنٹ کی تصدیق کر دی ہے۔ پینٹاگون کے ترجمان شان پارنیل نے کہا کہ جنرل رینڈی اے جارج فوری طور پر امریکی فوج کے 41ویں چیف آف سٹاف کے عہدے سے ریٹائر ہو رہے ہیں۔ ایسوسی ایٹڈ پریس کے مطابق امریکی وزیر دفاع پیٹ ہیگسیتھ نے فوج کے سب سے بڑے افسر اور دو دوسرے جرنیلوں کو ان کے عہدوں سے ہٹا دیا ہے۔ پینٹاگون نے یہ بات جمعرات کو بتائی، لیکن ان افسروں کی رخصتی کی کوئی وجہ نہیں بتائی۔ یہ سب ایسے وقت میں ہوا ہے جب امریکہ ایران کے خلاف جنگ لڑ رہا ہے۔ پینٹاگون کے اعلیٰ ترجمان شان پارنل نے کہا کہ جنرل رینڈی جارج فوری طور پر آرمی کے 41ویں چیف آف اسٹاف کے عہدے سے ریٹائر ہو رہے ہیں۔ جنرل جارج اگست 2023 سے، جو بائیڈن کے دور میں، اس عہدے پر کام کر رہے تھے۔ عام طور پر اس عہدے کی مدت چار سال ہوتی ہے۔ پینٹاگون کے ایک اہلکار نے نام ظاہر نہ کرنے کی شرط پر بتایا کہ ہیگسیتھ نے آرمی کے جنرل ڈیوڈ ہون اور میجر جنرل ولیم گرین کو بھی عہدوں سے ہٹا دیا ہے۔ ان دونوں افسروں کو عہدے سے الگ کرنے کی وجہ بھی نہیں بتائی گئی۔ سلامتی کونسل اقوام متحدہ ایران ایران جنگ اقوام متحدہ میں بحرین کے سفیر جمال الرویعی کا کہنا ہے کہ ’ہم اپنے خطے اور دنیا کو متاثر کرنے والی معاشی دہشت گردی کو قبول نہیں کر سکتے۔ پوری دنیا ان حالات سے متاثر ہو رہی ہے۔‘ انڈپینڈنٹ اردو جمعہ, اپریل 3, 2026 - 08:15 Main image:

اقوام متحدہ کی سلامتی کونسل کے ارکان 11 مارچ 2026 کو عالمی ادارے کے ہیڈ کوارٹرز میں مشرق وسطی کی صورت حال پر اجلاس کے دوران قرارداد پر ووٹ دے رہے ہیں (اے ایف پی)

دنیا type: news related nodes: سلامتی کونسل: خلیجی ممالک پر ایرانی حملے روکنے کی قرارداد منظور چین، پاکستان کا ایران سے سیزفائر اور آبنائے ہرمز محفوظ بنانے کا مطالبہ لائیو: ٹرمپ کا جنگ بندی سے متعلق بیان ’جھوٹا اور بے بنیاد‘، ایران ایران جنگ: سری لنکا کا بجلی کی قیمتوں میں 40 فیصد اضافے کا اعلان SEO Title: سلامتی کونسل: آبنائے ہرمز کھلوانے کے لیے ’دفاعی‘ طاقت کے استعمال پر ووٹنگ آج copyright: show related homepage: Hide from Homepage

Go to News Site