The Cambodia Daily
ក្រុមជនរងគ្រោះដែលចាញ់បោកអតីតឧកញ៉ា ឡេង ចាន់ណា ជិត ៦ពាន់នាក់ ព្រមានតវ៉ាទ្រង់ទ្រាយធំនៅចុងខែមេសា ឆ្នាំ២០២៦ នេះ ដើម្បីស្នើសុំឱ្យលោក ហ៊ុន សែន និងលោក ហ៊ុន ម៉ាណែត អន្តរាគមន៍ពន្លឿនយុត្តិធម៌ដល់ជនរងគ្រោះ ក្រោយពីយុត្តិធម៌របស់ពួកគេត្រូវបានរដ្ឋាភិបាលកប់ចោលជាង ២ឆ្នាំ ដែលធ្វើឱ្យពួកគេជួបវិបត្តិបំណុលធ្ងន់ធ្ងរ។ លោក អៀ សុផល ជាជនរងគ្រោះម្នាក់ បានប្រាប់សារព័ត៌មាន The Cambodia daily ថា ក្រុមជនរងគ្រោះគ្រោងតវ៉ាទ្រង់ទ្រាយធំនៅចុងខែមេសា នេះ ដើម្បីឱ្យតុលាការជួយរកយុត្តិធម៌ រឹបអូសទ្រព្យសម្បត្តិរបស់អតីតឧកញ៉ា ឡេង ចាន់ណា យកមកសងក្រុមជនរងគ្រោះវិញ។ លោកត្អូញត្អែរថា មកទល់ពេលនេះ លោកកំពុងជួបវិបត្តិជីវភាពធ្ងន់ធ្ងរ ក្រោយចាញ់បោកអតីតឧកញ៉ារូបនេះជិត ២ម៉ឺនដុល្លារ ដែលជាលុយខ្ចីពីធនាគារ ហើយក្នុងមួយខែ លោកត្រូវបង់សងទៅធនាគារជិត ៣០០ដុល្លារ។ លោក អៀ សុផល អះអាងថា បច្ចុប្បន្នលោកកំពុងធ្វើចំណាកស្រុកទៅថៃ ទាំងប្រថុយប្រថាន ដើម្បីរកលុយដោះបំណុលធនាគារ ដោយភាគីធនាគារបានព្រមានថានឹងប្រើវិធានការច្បាប់ ប្រសិនបើលោកមិនមានលទ្ធភាពសងត្រឡប់ទៅធនាគារវិញបានទេនោះ។ ជាមួយគ្នានេះ ជនរងគ្រោះម្នាក់ទៀត អ្នកស្រី […] The post អ្នកចាញ់បោកអតីតឧកញ៉ា ឡេង ចាន់ណា ជិត ៦ពាន់នាក់ គ្រោងតវ៉ាទ្រង់ទ្រាយធំនៅចុងខែមេសា appeared first on The Cambodia Daily Khmer .
Go to News Site