اسلام آباد، پنجاب میں پبلک ٹرانسپورٹ فری، سندھ میں موٹرسائیکل سواروں کے لیے سبسڈی

پیٹرولیم مصنوعات کی بڑھتی ہوئی قیمتوں کے باعث جمعے کو وفاقی اور پنجاب حکومت نے عوام کو ریلیف فراہم کرتے ہوئے آئندہ 30 دن کے لیے پبلک ٹرانسپورٹ کو بالکل مفت کر دیا ہے جبکہ سندھ حکومت نے موٹر سائیکل مالکان کو دو ہزار روپے ماہانہ سبسڈی دینے کا اعلان کیا ہے۔ امریکہ اور اسرائیل کی ایران کے خلاف جنگ اور تہران کے جوابی حملوں کے باعث خطے کی صورت حال کشیدہ ہے اور ایران نے آبنائے ہرمز کو بند کر رکھا ہے، جس کے باعث بحری جہازوں کی آمدورفت معطل ہے۔ ایشیائی ممالک کی جانب سے خریدے گئے خام تیل کا تقریباً 90 فیصد اسی آبنائے سے گزرتا ہے، جو خلیج فارس کو بحر ہند سے جوڑتی ہے۔ اس آبنائے کی بندش سے عالمی منڈی میں توانائی کی قیمتیں غیر معمولی حد تک بڑھ چکی ہیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اس صورت حال کا اثر پاکستان پر بھی پڑا ہے اور 28 فروری کو اس جنگ کے آغاز کے بعد سے حکومت دو مرتبہ پیٹرولیم مصنوعات کی قیمتوں میں اضافہ کر چکی ہے۔ گذشتہ شب پیٹرول کی قیمت میں 137 روپے 23 پیسے فی لیٹر اضافے کا اعلان کیا گیا، جس کے بعد  پیٹرول کی نئی قیمت 458 روپے 40 پیسے فی لیٹر ہو گئی ہے۔ عوام پر پیٹرولیم مصنوعات کی قیمتوں کے اثرات کو کچھ کم کرنے کے لیے وفاقی اور صوبائی حکومتوں نے جمعے کو سبسڈیز دینے کا اعلان کیا۔ وفاقی وزیر داخلہ محسن نقوی نے اپنے ایکس اکاؤنٹ پر کہا کہ ’وزیراعظم کی ہدایات پر اسلام آباد میں تمام عوامی ٹرانسپورٹ آئندہ 30 دنوں کے لیے عام شہریوں کے لیے مفت کر دی جائے گی، جس کا آغاز کل (چار اپریل) سے ہوگا۔‘ وزیر داخلہ کا مزید کہنا تھا کہ ’اس عوامی ریلیف اقدام کے لیے 35 کروڑ روپے کے اخراجات وزارتِ داخلہ برداشت کرے گی۔‘ Screenshot 2026-04-03 162007.png اسی طرح پنجاب کی وزیراعلیٰ مریم نواز نے بھی عوام کو ریلیف فراہم کرتے ہوئے صوبے بھر میں پبلک ٹرانسپورٹ مففت کرنے کا اعلان کر دیا، جس کے بعد شہری‏ اورنج لائن، میٹرو بس، سپیڈو اور گرین بس میں مفت سفر کر سکیں گے۔ اسلام آباد اور لاہور میں میٹرو بس سروس کے ذریعے لاکھوں افراد سفر کرتے ہیں اور سبسڈی کے اس اعلان کو عوامی حلقوں میں خوش آئند قرار دیا جا رہا ہے۔ پنجاب حکومت کی جانب سے جاری کیے گئے بیان کے مطابق صوبائی حکومت کی جانب سے رجسٹرڈ بائیک والے شہری کو 20 لیٹر پیٹرول پر 100 روپے سبسڈی ملے گی۔ اسی طرح کاشت کاروں کو بھی فی ایکڑ فی لیٹر ڈیزل پر 100 روپے سبسڈی دینے کا اعلان کیا گیا ہے۔ پٹرولیم مصنوعات کی قیمتوں میں اضافے کے بعد محکمہ ٹرانسپورٹ پنجاب نے ٹرانسپورٹرز کا خود ساختہ 60 سے 65 فیصد اضافہ بھی ختم کر دیا ہے۔ جمعے کو جاری کیے گئے نئے کرایہ نامے میں لاہور سے دیگر شہروں کے کرایوں میں 25 فیصد اضافہ کر کے تمام بس اڈوں کو نیا کرایہ نامہ فوری آویزاں کرنے کا حکم دیا گیا ہے۔ View this post on Instagram A post shared by Independent Urdu (@indyurdu) وزیراعلیٰ سندھ مراد علی شاہ نے بھی موٹر سائیکل مالکان کو دو ہزار روپے ماہانہ سبسڈی دینے کا اعلان کیا۔ جمعے کو پریس کانفرنس کرتے ہوئے مراد علی شاہ نے بتایا کہ اس (سبسڈی) کا حکومت نے طریقہ کار بھی بنا لیا ہے۔  ’ہر موٹرسائیکل والے کو ایک مہینے کے لیے دو ہزار روپے دیے جائیں گے۔ اپریل کے مہینے میں دو ہزار روپے دیے جائیں گے، اس کے لیے ایکسائز ڈپارٹمنٹ نے ایک اپلیکیشن تیار کر لی ہے۔‘ بقول وزیراعلیٰ سندھ موٹرسائیکل سواروں کو اس اپیلیکشن پر خود کو رجسٹر کرنا ہو گا، جس کے بعد وہ اس سہولت سے استفادہ کر سکیں گے۔ دوسری جانب وزیر ریلوے حنیف عباسی نے ریلوے کے کرایوں میں اضافہ نہ کرنے کا اعلان کیا ہے۔ پیٹرولیم مصنوعات ایران جنگ اسلام آباد پنجاب سندھ عوام پر پیٹرولیم مصنوعات کی قیمتوں کے اثرات کو کچھ کم کرنے کے لیے وفاقی اور صوبائی حکومتوں نے جمعے کو سبسڈیز دینے کا اعلان کیا۔ انڈپینڈنٹ اردو جمعہ, اپریل 3, 2026 - 16:15 Main image:

نو مارچ 2026 کو لاہور میں ایک پیٹرول پمپ پر لوگ اپنی گاڑیوں میں ایندھن بھروانے کے لیے انتظار کر رہے ہیں (اے ایف پی)

پاکستان jw id: jmrp2JOj type: video related nodes: پاکستان میں ایندھن کی قیمتوں میں بڑا اضافہ، پیٹرول 137 روپے 24 پیسے مہنگا جنگ بند نہ ہوئی تو کیا پیٹرول بھی راشن کی طرح ملے گا؟ وزیراعظم کا پیٹرولیم مصنوعات کی قیمیں برقرار رکھنے کا اعلان پیٹرول کا بم عوام پر، حکومتی عیاشیاں برقرار SEO Title: اسلام آباد، پنجاب میں پبلک ٹرانسپورٹ فری، سندھ میں موٹرسائیکل سواروں کے لیے سبسڈی copyright: show related homepage: Show on Homepage

Go to News Site