امریکہ طیارہ گرنے سے مذاکرات متاثر نہیں ہوں گے: ٹرمپ

ایران کے خلاف امریکہ اور اسرائیل کی جنگ کا آج 34 واں دن ہے۔ امریکہ نے اسے ’آپریشن ایپک فیوری‘ جبکہ ایران نے جوابی کارروائی کو ’وعدہ صادق 4‘ کا نام دیا ہے۔ اس جنگ کی تازہ ترین اپ ڈیٹس۔ صبح چھ بج کر45 منٹ ایران میں تباہ امریکی طیارے کے عملے کی تلاش جاری جنگ کے آغاز کے بعد سے ایران کے اندر تباہ ہونے والے پہلے امریکی جنگی طیارے کے عملے کے ایک رکن کی تلاش کے لیے ہفتے کی صبح ایرانی اور امریکی افواج کے درمیان دوڑ لگ گئی۔ خبر رساں ادارے اے ایف پی کے مطابق تہران نے کہا ہے کہ اس نے ایف 15 جنگی طیارے کو مار گرایا ہے جب کہ امریکی میڈیا نے رپورٹ کیا ہے کہ امریکی سپیشل فورسز نے اس کے عملے کے دو ارکان میں سے ایک کو بچا لیا جبکہ دوسرا ابھی لاپتہ ہے۔ ایران کی فوج نے یہ بھی کہا کہ اس نے خلیج میں امریکہ کے اے 10 گراؤنڈ اٹیک طیارے کو مار گرایا۔ امریکی میڈیا کے مطابق پائلٹ کو بچا لیا گیا ہے۔ امریکی سینٹرل کمانڈ نے ایف 15 کے گرنے پر تبصرہ کرنے کی درخواست کا فوری طور پر کوئی جواب نہیں دیا لیکن وائٹ ہاؤس کی پریس سیکریٹری کیرولین لیوٹ نے کہا ’صدر کو بریفنگ دی گئی ہے۔‘ صدر ڈونلڈ ٹرمپ نے این بی سی ٹیلی ویژن کو بتایا کہ ایف 15 طیارے کا نقصان ایران کے ساتھ مذاکرات کو متاثر نہیں کرے گا۔ ان کا کہنا تھا کہ ’نہیں، بالکل نہیں۔ نہیں، یہ جنگ ہے۔‘ صبح چھ 6 بج کر 30 منٹ ایران کا اسرائیل پر میزائل حملہ اسرائیلی فوج نے بتایا کہ اس نے ایران سے داغے گئے میزائلوں کا پتہ لگایا ہے۔ اسرائیلی فوج نے ٹیلی گرام پر کہا ’دفاعی نظام خطرے کو روکنے کے لیے کام کر رہے ہیں۔‘ صبح چھ بج کر 20 منٹ ٹرمپ نے ڈیڑھ کھرب ڈالر کا دفاعی بجٹ مانگ لیا صدر ڈونلڈ ٹرمپ نے قانون سازوں سے 2027 کے لیے 1.5 کھرب ڈالر کے بھاری دفاعی بجٹ کی منظوری دینے کا مطالبہ کیا ہے، کیوں کہ امریکہ کو ایران کے ساتھ جنگ اور بڑھتی ہوئی عالمی سکیورٹی ذمہ داریوں کی وجہ سے بڑھتے ہوئے اخراجات کا سامنا ہے۔ یہ تجویز پینٹاگون کے اخراجات میں ایک ہی سال میں 40 فیصد سے زیادہ کا اضافہ کر دے گی جو دوسری عالمی جنگ کے بعد سب سے تیزی سے ہونے والا اضافہ ہے۔ امریکہ ایران اسرائیل صدر ڈونلڈ ٹرمپ امریکی اور ایرانی فورسز ایران کے اندر تباہ ہونے والے پہلے امریکی جنگی طیارے ایک رکن کی تلاش کر رہی ہیں۔ انڈپینڈنٹ اردو ہفتہ, اپریل 4, 2026 - 06:30 Main image:

امریکی صدر ڈونلڈ ٹرمپ 12 جون، 2025 کو وائٹ ہاؤس میں میڈیا سے گفتگو کر رہے ہیں (اے ایف پی)

دنیا type: news label: لائیو اپ ڈیٹس related nodes: ایران، امریکہ مذاکرات کی کوششیں تعطل کا شکار: امریکی اخبار ایران جنگ: سب سے پہلے کس ملک میں ایندھن ختم ہو گا اور کیوں؟ ایران جنگ کے اثرات: پاکستان کا افرادی قوت کی برآمد بڑھانے کی نئی حکمت عملی پر غور چین، پاکستان کا ایران سے سیزفائر اور آبنائے ہرمز محفوظ بنانے کا مطالبہ SEO Title: امریکہ طیارہ گرنے سے مذاکرات متاثر نہیں ہوں گے: ٹرمپ copyright: show related homepage: Show on Homepage

Go to News Site