ایران – امریکہ ممکنہ مذاکرات میں ’بریک تھرو‘ نہ ہونے کی خبریں مسترد: پاکستان

پاکستان نے ہفتے کو ان خبروں کو مسترد کر دیا جن میں دعویٰ کیا گیا تھا کہ اسلام آباد میں ایران اور امریکہ کے ممکنہ مذاکرات  کا امکان کسی ’بریک تھرو‘ کے بغیر ختم ہو گیا۔ پاکستان نے میڈیا اداروں پر زور دیا کہ ایسے معاملات پر رپورٹنگ میں ’مناسب احتیاط‘ برتی جائے۔ امریکہ اور اسرائیل کی ایران کے خلاف جنگ کے آغاز کے بعد سے پاکستان دونوں ملکوں کے درمیان پیغامات کی ترسیل میں کردار ادا کرتا رہا ہے۔ یہ جنگ عالمی توانائی اور تجارتی نقل و حمل کو شدید متاثر کر رہی ہے اور خطے کی معیشتوں کے لیے خطرات بڑھ گئے ہیں۔ گذشتہ ہفتے اسلام آباد نے پاکستان، سعودی عرب، ترکی اور مصر کے وزرائے خارجہ کی میزبانی کی، جنہوں نے ایران پر حملوں اور خلیج میں امریکی مفادات و دیگر تنصیبات پر تہران کے ردعمل کو روکنے کے لیے مستقل حل تلاش کرنے پر گفتگو کی۔ اس ہفتے پاکستانی میڈیا کے کچھ حصوں نے نامعلوم ذرائع کے حوالے سے دعویٰ کیا کہ پاکستان کی سفارتی کوششیں دو مرتبہ ’تقریباً بریک تھرو‘ کے قریب تھیں لیکن تہران نے مزید مشاورت کے لیے وقت مانگا اور آخرکار شرکت سے انکار کر دیا۔ پاکستانی دفتر خارجہ نے ہفتے کو جاری بیان میں کہا ’ہم ان جھوٹی باتوں کو، جو مبینہ سرکاری ذرائع کے حوالے سے منسوب کی گئیں، مکمل طور پر مسترد کرتے ہیں۔ ’یہ بے بنیاد اور محض خیالی کہانیاں ہیں۔ اس حوالے سے سرکاری ذرائع کی کوئی نسبت درست نہیں۔‘ بیان میں مزید کہا گیا ’خطے کی موجودہ حساس صورت حال میں سفارت کاری میں احتیاط اور ذمہ داری ضروری ہے۔ لہٰذا ہم تمام میڈیا پلیٹ فارمز سے اپیل کرتے ہیں کہ وہ محتاط رہیں، قیاس آرائی سے گریز کریں اور درست معلومات کے لیے صرف سرکاری بیانات اور میڈیا ریڈ آؤٹس پر انحصار کریں۔‘ یہ جنگ، جو 28 فروری کو امریکہ اور اسرائیل کے مشترکہ حملوں اور ایران کی جوابی کارروائیوں سے شروع ہوئی، عالمی توانائی کی منڈیوں میں شدید ہلچل کا باعث بنی ہے۔ تہران نے آبنائے ہرمز سے گزرنے والے بحری جہازوں کی آمدورفت تقریباً روک دی ہے، جو دنیا کی تیل کی تجارت کے پانچویں حصے کے برابر راستہ ہے۔ تنازعے کے پھیلاؤ نے سفارتی کوششوں کو مزید پیچیدہ کر دیا ہے جبکہ امریکی صدر ڈونلڈ ٹرمپ نے بغیر کسی واضح ٹائم لائن کے اپنی فوجی مہم کے جلد خاتمے کا وعدہ کیا ہے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) جمعے کو پاکستان کے وزیر خارجہ اسحاق ڈار نے اپنے سعودی ہم منصب شہزادہ فیصل بن فرحان سے ٹیلی فون پر گفتگو کی، جس میں ایران جنگ کے باعث مشرق وسطیٰ میں پیدا ہونے والی کشیدگی کم کرنے کے لیے پاکستان ۔ چین کے مشترکہ پانچ نکاتی منصوبے پر بھی بات چیت کی گئی۔ دفترِ خارجہ کے مطابق ’دونوں رہنماؤں نے خطے کی تازہ صورتحال پر تبادلہ خیال کیا اور فوری طور پر ڈی اسکیلشن اور مذاکرات کی ضرورت پر زور دیا۔ ’پاکستان ۔ چین کا خلیج اور مشرق وسطیٰ میں امن کے لیے پانچ نکاتی منصوبہ بھی گفتگو کا حصہ تھا۔‘ یہ تجویز، جو وزیر خارجہ ڈار کے حالیہ دورۂ چین کے دوران بیجنگ اور اسلام آباد نے پیش کی، فوری جنگ بندی، امن مذاکرات کے آغاز، شہری و تجارتی تنصیبات (بشمول سمندری راستوں) کے تحفظ اور اقوام متحدہ کے چارٹر کی پاسداری پر زور دیتی ہے۔ اسلام آباد اس سے قبل کہہ چکا ہے کہ وہ مشرق وسطیٰ میں جاری کشیدگی کم کرنے کے لیے ’پُل کا کردار‘ ادا کرنا چاہتا ہے۔ دفتر خارجہ ایران اسرائیل امریکہ پاکستانی دفتر خارجہ نے ایک بیان میں میڈیا اداروں پر زور دیا ہے کہ ایسے معاملات پر رپورٹنگ میں ’مناسب احتیاط‘ برتی جائے۔ انڈپینڈنٹ اردو ہفتہ, اپریل 4, 2026 - 11:15 Main image:

24 اپریل، 2025 کو اسلام آباد میں پولیس کا ایک اہلکار دفتر خارجہ کے باہر تعینات ہے (اے ایف پی)

پاکستان type: news related nodes: امن جسے ریاض اور اسلام آباد نے شکل دی پاکستان کی ’ہائی رسک، ہائی ریوارڈ‘ سفارت کاری ٹرمپ کی گھبراہٹ بجا ہے ٹرمپ کی آبنائے ہرمز کی دلدل SEO Title: ایران – امریکہ ممکنہ مذاکرات میں ’بریک تھرو‘ نہ ہونے کی خبریں مسترد: پاکستان copyright: show related homepage: Show on Homepage

Go to News Site