Telegrafi
Shtatë aeroplanë amerikanë janë shkatërruar në konfliktin me Iranin. Humbjet e një F-15 dhe një A-10 këtë të premte rrisin në shtatë numrin e aeroplanëve të Forcës Ajrore amerikane të shkatërruar gjatë luftës me Iranin. Lufta në Iran, zhvillimet më të fundit nga Lindja e Mesme Incidentet e mëparshme përfshijnë rrëzimin e tre F-15 në Kuvajt nga zjarr miqësor, humbjen e një tanker-i KC-135 në Irak dhe shkatërrimin e një E-3 Sentry në Arabinë Saudite gjatë një sulmi iranian. Një F-35 gjithashtu realizoi ulje emergjente pas goditjes nga zjarri iranian. 2 mars Tre F-15 u rrëzuan nga mbrojtja ajrore e Kuvajtit në një incident “zjarr miqësor” mbi Kuvajt. Të gjashtë anëtarët e ekuipazhit u hodhën me parashutë pa u lënduar dhe Sekretari amerikan i Luftës, Pete Hegseth, tha këtë javë se tre pilotët kishin rikthyer në misione ndaj Iranit. 12 mars Gjashtë anëtarë të ekuipazhit amerikan humbën jetën kur tanker-i KC-135 i tyre u rrëzua në Irak. Ushtria amerikane tha se aeroplani i furnizimit me karburant nuk u rrëzua nga zjarr armik ose miqësor, por u përfshi në një incident me një aeroplan tjetër gjatë pjesëmarrjes në Operacionin Epic Fury. Aeroplani i dytë u ul pa probleme. 26 mars Një E-3 Sentry i Forcës Ajrore amerikane, për alarm dhe kontroll ajror, u shkatërrua në pistë gjatë një sulmi iranian mbi Bazin Ajror Prince Sultan në Arabinë Saudite, sipas fotografive të verifikuara nga CNN , ku ky i fundit raportoi se sulmi mbi bazën la të paktën 10 anëtarë të shërbimit amerikan të lënduar. Nuk u raportuan viktima. Një aeroplan tanker i Forcës Ajrore amerikane gjithashtu u dëmtua, thanë burimet. Për më tepër, një F-35 amerikan realizoi një ulje emergjente në një bazë ajrore amerikane në Lindjen e Mesme muajin e kaluar pasi u godit nga ajo që besohet të ketë qenë zjarr iranian, thanë dy burime të njohura për CNN. Ndryshe, Shtetet e Bashkuara të Amerikës vazhdon të mbajë epërsinë absolute në fuqinë ajrore globale, me mbi 13 mijë aeroplanë ushtarakë në dispozicion. Ky numër e vendos Uashingtonin shumë përpara rivalëve të tij kryesorë në skenën ndërkombëtare. Pas SHBA-së renditet Rusia me rreth 4000 aeroplanë, ndërsa Kina zë vendin e tretë me mbi 3000 mjete ajrore ushtarake. Lista vazhdon me India, e cila ka rreth 2000 aeroplanë dhe Koreja e Jugut me mbi 1500. /Telegrafi/
Go to News Site