Fréttastofa RÚV
Um það bil tuttugu franskir bátar lögðu upp frá hafnarborginni Marseille í gær og verða hluti alþjóðlegs flota sem hyggst á ný rjúfa hafnbann Ísraelsríkis og koma hjálpargögnum til Gaza. Eitt af skipum Sumud-flotans sem hélt til Gaza á seinasta ári.EPA / TONI ALBIR Alþjóðlegi Sumud-flotinn, um hundrað fley, leggur að stærstum hluta af stað frá spænsku borginni Barcelona 12. apríl. Vikulangt stopp verður á Ítalíu til þjálfunar og að því búnu verður siglt í átt að Gaza-strönd, að sögn skipuleggjenda. Ísraelski sjóherinn stöðvaði seint á síðasta ári för flota með hjálpargögn til Gaza og handtók skipverja sem margir voru heimsþekktir, þeirra á meðal sænska andófskonan Greta Thunberg.
Go to News Site